އަންނަ މަހުން ފެށިގެން ރީލޯޑާއި ރާސްޓަސް އިން ޖީއެސްޓީ ކަނޑާފައި ޖަމާކުރާ ގޮތަށް ހަދަނީ

ރީލޯޑާއި ރާސްޓަސް އިން ޖީއެސްޓީ ކަނޑާފައި ޖަމާކުރާ ގޮތަށް މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ނިންމައިފި އެވެ.

މިރާއިން އިން މިއަދު ނެރުނު ބަޔާނެއްގައި ބުނެފައި ވަނީ މި ގެންނަ ބަދަލާ އެކު ކަސްޓަމަރުން އިތުރަށް ޖީއެސްޓީ ދެއްކުމުގެ ބަދަލުގައި އެކައުންޓަށް ފައިސާ ޖަމާ ވާނީ ކަސްޓަމަރު ދައްކާ އަދަދުން ޖީއެސްޓީގެ އަދަދު އުނިކޮށްފައި ކަމަށެވެ.

މިހާރު ރީލޯޑު އަދި ރާސްޓަސް އިން ޖީއެސްޓީ ނަގަނީ ރީލޯޑު ނުވަތަ ރާސްޓަސް ކުރާ އަދަދުގެ މައްޗަށް ޖީއެސްޓީގެ އަދަދު ވަކިން އިތުރު ކޮށްފަ އެވެ.

އެގޮތުން މި ބަދަލާއި ގުޅިގެން ކަސްޓަމަރުންނަށާއި ވިޔަފާރިތަކަށް ދިމާވާ ވަކިލާރީގެ މައްސަލަ އަށް ހައްލެއް ލިބި ޕްރިޕެއިޑް ކަސްޓަމަރުންނަށް ރީޗާޖު ކުރުމުގައި ފަސޭހަ ވެގެން ދާނެ ކަމަށެވެ. އަދި މި ބަދަލާ ގުޅިގެން އާންމުންނާއި ވިިޔަފާރިކުރާ ފަރާތްތަކުން ހޭލުންތެރި ކުރުމަށް އެ ފަރާތުން ތަފާތު ހަރަކާތްތައް ކުރިއަށް ގެންދިއުމަށް ރާވާފައިވާ ކަމަށް ވެސް މިރާއިން މައުލޫމާތު ދެއެވެ.