ފޯމިކްސްގެ “ބައި އެންޑް ވިން” ޕްރޮމޯޝަންގެ ނަސީބުވެރިޔާ ހޮވައިފި

ކުޅުދުއްފުށީ ފޯމިކްސް ފިހާރައިން ކުރިއަށް ގެންދިއަ “ބައި އެންޑް ވިން” ޕްރޮމޯޝަންގެ ނަސީބުވެރިޔާ ހޮވައި އިނާމް ދީފި އެވެ.

މިޕްރޮމޯޝަންގެ ނަސީބުވެރިޔަށް ހޮވިގެން ގްރޭންޑް ޕްރައިޒްގެ ގޮތުގައި ހުށަހަޅާފައިވާ 42 އިންޗީގެ ސޮނީ އެލްއީޑީ ޓީވީ ލިބިފައިވަނީ ކުޅުދުއްފުށީ ބާނި، އަބޫބަކުރު އާދަމަށެވެ.

މިއަހަރުގެ ޖުލައި މަހުގެ 25 ން ފެށިގެން ސެޕްޓެމްބަރ މަހުގެ 30 ވަނަދުވަހުގެ ނިޔަލަށް ކުރިއަށް ގެންދިޔަ މި ޕްރޮމޯޝަންގައި އެފިހާރައިން ވިއްކި ހޮޓްއައިސް، ސްކޮޓިޝް އަދި ވޯލްޑްވަން ބޮޑީ ސްޕޭރޭގެ 200 ރުފިޔާއިން މަތީގެ ކޮންމެ ވިޔަފާރިއަކަށް ކޫޕަންއެއް ދޫކޮށްފައިވެ އެވެ.

ގުރުއަތު ނެގުން ބާއްވާފައިވަނީ ފޯމިކްސް ފިހާރަ ކުރިމަތީ އިއްޔެ ހަވީރު އެވެ. މީގެ ކުރިންވެސް އެކި ޕްރޮމޯޝަންތައް އެފިހާރައިން ކުރިއަށްގެންގޮސްފައިވާކަން ފާހަގަކޮށްލެވެ އެވެ..