ދިރާގު އަދި އުރީދޫއަށް ޑީޑޮސް އެޓޭކްތަކެއް، އިންޓަނެޓް ބޭނުން ކުރުމުގައި ދަތިތަކެއް

ރާއްޖޭގެ މުވާސަލާތީ ކުންފުނި ދިރާގު އަދި އުރީދޫއަށް ވެސް ޑިސްޓްރިބިއުޓެޑް ޑިނަޔަލް އޮފް ސަރވިސް (ޑީޑޮސް) އެޓޭކް ތަކެއްގެ އަސަރުކޮށްފައިވާ ކަމަށް، ދެކުންފުނިން މިއަދު ހާމަކޮށްފިއެވެ.

ޑީޑޮސް އެޓޭކްތަކަކީ އިންޓަނެޓް މެދުވެރިކޮށް ދެވޭ ހިދުމަތްތަކަށް އަމާޒުކޮށް، ޑޭޓާ ޓްރެފިކް އޯވަލޯޑް ކޮށްގެން، ހިދުމަތް ބޭނުން ނުކުރެވޭނެގޮތް މެދުވެރިކުރުމަށް ދެވޭ ހަމަލާތަކެވެ.

އެގޮތުން ދިރާގު އަދި އުރީދޫ އިން މިފަދަ ހަމަލާތަކުން ރައްކާތެރިވުމަށް ފިޔަވަޅު އަޅާފައިވި ނަމަވެސް، ދެކުންފުނީގެ އިންޓަނެޓް މެދުވެރިކޮށް ދެވޭ ހިދުމަތްތައް ބޭނުންކުރުމުގައި ދަތިތަކެއް ދިމާވުމަކީ އެކަށީގެންވާކަމެއް ކަމަށް ނޫސް ބަޔަނުގައި ވެއެވެ.

ދެކުންފުނީން ދަނީ ކަމާބެހޭފަރާތްތަކާއި ގުޅިގެން ސިސްޓަމްތައް އިތުރަށް ވަރުގަދަކޮށް، މިފަދަ ހަމަލާތަކުން ރައްކާތެރިވުމަށް އިތުރު ފިޔަވަޅުތަކެއް އެޅުމުގެ މަސައްކަތުގައި އެެވެ.

ޑީޑޮސް ހަމަލާތަކަކީ ދުނިޔޭގެ ހުރިހާ ހިސާބެއްގައިވެސް މުވާސަލާތީ ހިދުމަތްދޭ އަދި ބޭނުންކުރަމުންދާ ފަރާތްތަކަށް އަމާޒުވަމުންދާ ގޮންޖެހުންތަކެކެވެ.