ބީއެމްއެލް އިންވެލިދޫގައި ސެލްފް ސަރވިސް ބޭންކިންގ ތައާރަފްކޮށްފި

ބޭންކް އޮފް މޯލްޑިވްސް އިން ނ. ވެލިދޫގައި ސެލްފް ސަރވިސް ބޭންކިންގ އޭޓީއެމް އެއް ބަހައްޓައިފިއެވެ.

ބީއެމްއެލް އިން ރާއްޖޭގައި ކުރަމުންދާ އިންވެސްޓްމަންޓް ފުޅާކޮށް، މުޅިގައުމަށް ބޭންކިންގެ ހިދުމަތް ފޯރިކޮށްދިނުމަށް ބޭންކުން ކުރަމުން ދާ 300 މިލިއަން ރުފިޔާގެ އިންވެސްޓްމެންޓް ޕްރޮގްރާމުގެ ދަށުން ވެލިދޫގައި މި ބެހެއްޓުނު އޭޓީއެމް މެދުވެރިކޮށް އަމިއްލަ ފަރުދުންނާއި ވިޔަފާރިތަކަށް ފައިސާ ޖަމާކޮށް ޓްރާންސްފަރ ކުރުމުގެ ހިދުމަތް 24 ގަޑިއިރު ލިބިގެންދާނެ ކަމަށް ބީއެމްއެލްއިން މައުލޫމާތު ދެއެވެ.

އަދި ވެލިދޫގައި މި ބެހެއްޓުނު އޭޓީއެމްގެ ސަބަބުން ވެލިދޫގެ ތަރައްގީއަށާއި ކުރިއެރުމަށް އިތުރު އެހީތެރިކަން ލިބިގެންދާނެ ކަމަށް ވެސް ބީއެމްއެލްއިން މައުލޫމާތު ދެއެވެ.

މުޅި ރާއްޖެ ހިމެނޭ ބޭންކިންގ ވިއުގަޔަކާއެކު 20 އަތޮޅުގައި 29 ބްރާންޗް، 76 އޭޓީއެމް، 3900 ޕީއޯއެސް މަރޗަންޓުން، 191 ކޭޝް އޭޖެންޓުން، 16 ސެލްފްސަރވިސް ބޭންކިންގ ސެންޓަރ އަދި 5 ދޯނި ބޭންކިން ޔުނިޓްގެ ހިދުމަތް ބީއެމްއެލްއިން ދަނީ ފޯރުކޮށް ދެމުންނެވެ.