ބީއެމްއެލްގައި ގިނަ ދުވަސްވީ މުވައްޒަފުންނަށް އެވޯޑް ހަވާލުކޮށްފި

ބީއެމްއެލްގައި މެދުކެނޑުމެއްނެތި، ގިނަ ދުވަސް ވަންދެން ހިދުމަތް ކުރުމުގައި ދެމި ތިބި 31 މުވައްޒަފުންނަށް އަގު ވަޒަން ކުރުމުގެ ގޮތުން، ‘ލޯންގް ސާވިސް އެވޯޑް” ހަވާލުކޮށްފި އެވެ.

އެވޯޑް ހަވާލުކޮށްދެއްވީ ބޭންކްގެ ސީއީއޯ އަދި މެނޭޖިން ޑިރެކްޓަރު އެންޑްރޫ ޖޭ ހީލީ އެވެ.

މިއީ ބީއެމްއެލްގައި 15 އަހަރާއި 20 އަހަރާއި 25 އަހަރު އަދި 30 އަހަރު ދުވަހު ބޭންކްގެ ހިދުމަތް ކޮށްފައިވާ މުވައްޒަފުންނަށް ދެވޭ އެވޯޑް އެކެވެ.

އެ ހަފްލާގައި ބީއެމްއެލްގެ ސީއީއޯ އެންޑްރޫ ވަނީ ގިނަ ދުވަހު ހިދުމަތް ކުރި މުވައްޒަފުން ބޭންކްގެ ހިދުމަތުގައި ކޮށްދެއްވާ އަގުހުރި މަސައްކަތްތަކަށް ޝުކުރު އަދާ ކުރައްވާފައި އެވެ. އަދި ބީއެމްއެލްގެ ލޭނާރަކީ ބޭންކްގެ މުވައްޒަފުން ކަމަށާއި އަދި އެ އިހުލާސްތެރި މަސައްކަތަށް ފަރުވާ ބަހައްޓާ މުވައްޒަފުންގެ އަގު ވަޒަންކުރުމަކީ އޭނާ އަށް ލިބޭ އުފަލެއް ކަމުގައި އެވެ.

މުވައްޒަފުންނަށް “ލޯންގް ސާވިސް އެވޯޑް” ދޭން ބީއެމްއެލް އިން ފަށައިފާ ވަނީ މިދިޔަ އަހަރު އެވެ. އަދި މި އެވޯޑް ކޮންމެ އަހަރަކު ދޭން ވަނީ ނިންމައިފަ އެވެ.