އެސްޓީއޯއިން ވިއްކާ ޕްޓްރޯލް ލިޓަރަކުން 30 ލާރި ބޮޑުކޮށްފި

އެސްޓީއޯއިން ވިއްކާ ޕެޓިރޯލް ލީޓަރަކުން 30 ލާރި ބޮޑުކޮށްފި އެވެ.

އިއްޔެއިން ފެށިގެން ޕެޓްރޯލްގެ އަގު ބޮޑުކޮށްފައިވާއިރު މި ބަދަލާއިއެކު މިހާރު ޕެޓްރޯލް ލީޓަރެއް ލިބޭނީ 9.35 ރ އަށެވެ.

އެސްޓޯއޯއިން ނެރުނު ބަޔާނެއްގައި ބުނެފައިވަނީ އެ ކުންފުނިން ރާއްޖެ އެތެރެކޮށްގެން ވިއްކާ ޕެޓްރޯލްގެ އަގަށް ބަދަލުގެންނަން ޖެހުނީ ދުނިޔޭގެ ބާޒާރުގައި ތެލުގެ އަގު އުފުލެމުން ދިޔުމާއި ގުޅިގެން ކަމަށެވެ.

އެސްޓީއޯ އިން ޝެޑުތަކުން އާއްމުންނަށް ވިއްކާ ތެލަކީ އެ ކުންފުނީގެ ތެލުގެ ވިޔަފާރީގެ ގާތްގަނޑަކަށް ފަސް ޕަސެންޓެވެ. ޕެޓްރޯލްގެ އަގު ބޮޑުކުރިއިރު، އެސްޓީއޯ އިން ވަނީ ފެނަކަ އާއި ސްޓެލްކޯ އަށް ޑީސަލް ވިއްކާ އަގު ވެސް ދާދި ފަހުން ބޮޑުކޮށްފަ އެވެ.

ބައިނަލްއަގުވާމީ ތެލުގެ ބާޒާރުގައި ސާފުނުކުރާ ތެޔޮ ފީފާއެއްގެ އަގު އުޅެނީ އެވްރެޖްކޮށް 52 ޑޮލަރުގަ އެވެ.