އެންޓަޕްރައިސް ސަޕޯޓް ސެންޓަރ އުރީދޫއިން ތައާފަރްކޮށްފި

އުރީދޫ މޯލްޑިވްސްއިން އެންޓަޕްރައިސް ސަޕޯރޓް ސެންޓަރ މިއަދު ތައާރަފްކޮށްފި އެވެ.

އުރީދޫ ބިޒްނަސް ކަސްޓަމަރުންނާއި، ކަމާގުޅޭ ތަޖުރިބާކާރުން ގުޅުވާލަދޭ ވަސީލަތެއް ކަމަށްވާ އެންޓަޕްރައިސް ސަޕޯރޓް ސެންޓަރ ސެންޓަރުން 24ގަޑިއިރު ހިދުމަތްދޭ ސަޕޯޓް ހޮޓްލައިނެއް ގާއިމްކޮށްދޭނެ އެވެ.

މީގެ އިތުރުން އުރީދޫ ބިޒްނަސްގެ ހިދުމަތްތަށް ބަލަހައްޓައިދީ ޑިޖިޓަލް ޓެކްނޮލޮޖީއަށް ބަރޯސާވާ ވިޔަފާރިތަކަށް ބޭނުންވާ އަވަސް އެހީ ވެސް މި ސެންޓަރުން ފޯރުކޮށްދޭނެއެވެ.

އުރީދޫގެ އެންޓަޕްރައިޒް ސަޕޯޓް ސެންޓަރ އިން ތަޖުރިބާކާރު ޓެކްނިކަލް އިންޖިނިއަރުންނާއި ކަސްޓަމަރ ސަޕޯޓް ސްޓާފުންގެ އެހީގައި ފޯނުން އަދި ރިމޯޓްކޮށްވެސް އަވަސް ހިދުމަތް ފޯރުކޮށްދޭނެއެވެ. އަދި ސައިޓަށް ޒިޔާރަތްކޮށްގެން ހައްލު ކުރެވޭ މައްސަލައެއް ދިމާވެއްޖެ ހާލަތެއްގައި ފީލްޑުގައި މަސައްކަތް ކުރާ މުވައްޒަފުން މެދުވެރިކޮށް ބޭނުންވެފައިވާ ހިދުމަތް ފޯރުކޮށްދޭނެ އެވެ.

އެންމެ ފަހުގެ ޒަމާނީ އުފެއްދުންތަކާއިއެކު އުރީދޫއިން މިހާރުވެސް ދަނީ ގިނަ ހިދުމަތްތަކެއް ފޯރުކޮށްދެމުން ނެވެ. އެގޮތުން ފިކްސްޑް އިންޓަނެޓް، ފިކްސްޑް ވޮއިސް، ޖީޕޮން، ވައިފައި، އައި.ޕީ.ޓީ.ވީ، ޕީ.ބީ.އެކްސް، ސީ.ސީ.ޓީ.ވީ ފަދަ ކަސްޓަމަރުންގެ ބޭނުންތަކާ އެއްގޮތަށް ފަރުމާކުރެވިފައިވާ އެންމެ ފަހުގެ ޒަމާނީ އުފެއްދުންތައް ހިމެނެއެވެ.