މުޖުތަމައަށް ފައިދާހުރި ހަރަކާތްތައް ހިންގާ ޖަމިއްޔާ ޖަމާއަތްތަކަށް އެހީވުމަށް ބީއެމްއެލްއިން ކޮންމެ އަހަރަކުވެސް ބާއްވާ “ބީއެމްއެލް ސްޓާފް ޗެރިޓީ ރަން” ގައި 3 ޖަމިއްޔާއަކަށް ފައިސާގެ އެހީ ދީފިއެވެ.
“އަހަރެންގެ ބޭންކް” ކެމްޕޭން ހަރަކާތެއްގެ ގޮތުގައި އިއްޔެ ހެނދުނު ކުރިޔަށް ގެންދިޔަ މި ދުވުމުގައި ބީއެމްއެލްގެ 250 އަށް ވުރެ ގިނަ މުވައްޒަފުން ވަނީ ބައިވެރިވެފައި އެވެ. ހެނދުނު 6:30 ގައި ބީއެމެއެލްގެ ހެޑް އޮފީސް ކުރިމަތި ފަށާފައިވާ ދުވުން ނިންމާލީ ރަސްފަންނު ސަރަހައްދަށެވެ.
ރަސްފަންނު ސަރަހައްދުގައި ބޭއްވި މިހަރަކާތް ނިންމުމުގެ ރަސްމިއްޔާތުގައި ބީއެމްއެލްގެ ސީއީއޯ އަދި މެނޭޖިންގ ޑިރެކްޓަރ އެންޑްރޫ ހީލީ ވަނީ ފައިސާގެ އެހީދިން ޖަމިއްޔާތަކަށް ރަމްޒީ ޗެކް ހަވާލުކޮށްދެއްވާފައެވެ.
މިއަހަރުގެ ” ބީއެމްއެލް ސްޓާފް ޗެރިޓީ ރަން” ގައި ފައިސާގެ އެހީ ދިން ޖަމިއްޔާތަކަކީ މޯލްޑިވްސް ޑެފް އެސޯސިއޭޝަން، ބްލައިންޑް އެންޑް ވިޒުއަލީ އިމްޕެއަރޑް ސޮސައިޓީ އަދި މެންޓަލް ހެލްތު އެވެއަރނަސް ފައުންޑޭޝަންއެވެ. މިއިން ކޮންމެ ޖަމިއްޔާއަކަށް ވަނީ 30,000 ރުފިޔާ ހަދިޔާކޮށްފައެވެ. މި އެހީގެ ފައިސާ ބޭނުންކުރުމަށް ހަމަޖެހިފައިވަނީ އެޖަމިއްޔާތަކުން ކުރިޔަށް ގެންދާ ހޭލުންތެރިކުރުމުގެ ޕްރޮގްރާމްތައް ރޭވުމަށެވެ.
“އަހަރެންގެ ބޭންކް” ކެމްޕޭނަކީ ދިވެހިންނާއި ދިވެހި މުޖުތަމައުއަށް ބީއެމްއެލް އާއި އޮތް ގުޅުން އިތުރަށް ބަދަހި ކުރުމަށް މުޅި ރާއްޖެއަށް އަމާޒުކޮށްގެން ކުރިޔަށް ގެންދާ ކެމްޕޭނެއް ކަމަށާއި މިކެމްޕޭންގެ ތެރެއިން މި ފެބްރުއަރީ މަހުގެ ކޮންމެ ދުވަހަކުވެސް މުޖުތަމައަށް ފައިދާ ހުރި ހަރަކާތެއް ބޭންކުން ދަނީ ކުރިޔަށް ގެންދަމުން ކަމަށް ބޭންކުން މައުލޫމާތު ދެއެވެ.
'ކުޅުދުއްފުށި 5 ކޭ' ގެ ނަމުގައި ރޯޑު ރޭހެއް ބާއްވަނީ
ޑެބިޓް ކާޑުތަކުން ކުރާ ބޭރުގެ މުއާމަލާތްތަކުގެ ލިމިޓް 500 ޑޮލަރަށް ބޮޑުކޮށްފި
3000 އަށް ވުރެ ގިނަ ބައިވެރިންނާއެކު އުރީދޫ ފަން ރަން އައްޑޫގައި ނިންމާލައިފި
އައްޑޫގައި ބޭއްވި އުރީދޫ ފަން ރަން
