އައިފޯން 7 ގެ ރެޑް އެޑިޝަން ދިރާގުން ތައާރަފްކޮށްފި

މިދިޔަ މަހު 23 ގައި ދުނިޔޭގެ މާކެޓަށް ނެރެފައިވާ އައިފޯން 7 އާއި އައިފޯން 7 ޕްލަސް ގެ ރެޑް އެޑިޝަންގެ ފޯނުތައް ދިރާގުން ރާއްޖެ ތައާރަފް ކޮށްފިއެވެ.

ދިރާގުން މައުލޫމާތު ދޭގޮތުގައި މި އައިފޯނަކީ އެހެން އައިފޯނުތަކާއި ތަފާތު ފަރުމާކުރުމެއް ގެންގުޅޭ ގަދަ ރަތް ކުލައިގެ އަލްމިނިއަމް އިން ތައްޔާރު ކޮށްފައިވާ ފޯނެއް ކަމަށެވެ. އަދި އައިފޯނު 7 އަކީ 128ޖީބީ އާއި 256ޖީބީގެ ޕްލަސްގެ ސައިޒުގެ މެމޮރީއެއް ހިމެނޭ ފޯނެއް ކަމަށެވެ.

އަދި އެހެންމެ، މި ފޯނަކީ އެއިޑްސް ބަލި ފެތުރުން ހުއްޓުވުމަށް ދުނިޔޭގެ ފެންވަރުގައި މަސައްކަތް ކުރަމުންދާ ޖަމްއިއްޔާއެއް ކަމަށްވާ ރެޑްއާ އެކު އެޕަލްއިން ޕާޓްނާޝިޕެއް ހެދިތާ 10 އަހަރު ފުރުން ފާހަގަ ކުރުމުގެ ގޮތުން އުފެއްދި ފޯނެއް ކަމަށް ދިރާގުން މައުލޫމާތު ދެއެވެ.

އޭގެ އިތުރުން ދިރާގުން މައުލޫމާތު ދޭގޮތުގައި އައިފޯން 7 ގަންނަ ކޮންމެ ޕޯސްޓްޕެއިޑް ކަސްޓަމަރަކަށް ހަ މަސް ދުވަސް ވަންދެން ހިލޭ ޑާޓާ ލިބޭނެ ކަމަށާއި ޕްރީޕެއިޑް ކަސްޓަމަރުންނަށް ދިރާގުގެ ނަންބަރަކަށް ގުޅުމަށް 300 މިނެޓް އަދި އެއް ޖީބީގެ ޑާޓާ ލިބޭނެެ ކަމަށެވެ.