ރޯދަ ބާޒާރުގެ ނަމުގައި ކުޅުދުއްފުށީގައި ބޮޑު ސޭލްއެއް ބާއްވަނީ

ކުޅުދުއްފުށީ އަފީފުއްދީން ސްކޫލް ޕީޓީއޭއިން އިސްނަގައިގެން ރޯދަ ބާޒާރުގެ ނަމުގައި ބޮޑު ސޭލްއެއް ބޭއްވުމަށް ނިންމައިފި އެވެ.

މާދަމާ ފެށުމަށް ހަމަޖެހިފައިވާ މި ސޭލް މިމަހު 5 ވަނަ ދުވަހާއި ހަމައަށް ކުރިއަށްދާ އިރު މި ސޭލްގައި 14 ފަރާތެއްގެ ސްޓޯލް ހިމެނޭނެ ކަމަށް އެ ސްކޫލުން މައުލޫމާތު ދެއެވެ.

އެގޮތުން ސްކޫލް ހޯލުގެ އިތުރުން ކްލާސް ރޫމްތަކުގައިވެސް ސްޓޯލްތައް ހުންނާނެ އެވެ. އެގޮތުން މި ބާޒާރުގައި ފެންޓަގްރާމް، ބެސްޓްބަޑީ، ފޯމިކްސް، ރަންގަނޑު، ގޯލްޑްވޭ، އެމްއޯސީ، ޑެނިސް، ފެންޑާ، އެސްޓީއޯ، އާނިރު ހޯމްކެއާރ، ފަރިރީތި، ޓޫއެޗްޓޫ ގެ އިތުރުން ސިލްކްރޯސް އަދި ކާނިވަލް ރެސްޓޯރެންޓްގެ ކެންޓީނެއް ވެސް ހުޅުވިފައި ހުންނާނެވެ.

މި ބާޒާރު ކުރިއަށް ދާނީ ކޮންމެ ދުވަހެއްގެ ހަވީރު 04:15 ން 05:30 އަދި ރޭގަނޑު 08:30 ން 10:30 އަށެވެ.

މިއީ އަފީފުއްދީން ސްކޫލް ޕީޓީއޭ ފަންޑް ރައިސް ކުރުމަށް ކުރިއަށްގެންދެވޭ ހަރަކާތެކެވެ.