އެޗްޑީ އާ ޗެނަލްތައް ހިމެނޭ މީޑިޔާ ނެޓް ހިޓްސް ކުޅުދުއްފުއްޓަށް ތައާރަފުކޮށްފި

މީޑިޔާ ނެޓުގެ “މީޑިޔާ ނެޓް ހިޓްސް” ގެ ހިދުމަތް ޗޮއިސް އެންޑް ޕުލަސް މެދުވެރިކޮށް ކުޅުދުއްފުއްޓަށް ތައާރަފް ކޮށްފިއެވެ.

ޗޮއިސް އެންޑް ޕުލަސްގެ ފަރާތުން މައުލޫމާތުދޭ ގޮތުގައި މި ހިދުމަތުގައި “މީޑިޔާ ނެޓް ހިޓްސް” މެދުވެރިކޮށް ލިބޭނީ އެޗްޑީ އަދި އެސްޑީ ޗެނަލްތައް ކަމަށާއި މިހިދުމަތް ހޯދުމަށް  “މީޑިޔާ ނެޓް ހިޓްސް” ގެ ޑީކޯޑަރެއް ބައްލަވައިގަންނަ ޖެހޭ ކަމަށެވެ. މިހާރު  ޗޮއިސް އެންޑް ޕްލަސް އިން  ވަކި މުއްދަތެއް ނެތި ޑީކޯޑަރު ވިއްކުމުގެ ޕްރޮމޯޝަނެއް  ފަށާފައި އެވެ.

ޕްރޮމޯޝަންގެ ދަށުން 999 ރުފިޔާއަށް ވިއްކާ ހިޓްސް ޑީކޯޓަރެއް 300 ރުފިޔާއަށް ލިބެހުންނާނެ ކަމަށް ޗޮއިސް އެންޑް ޕްލަސް އިން މައުލޫމާތުދެ އެވެ.

ޗޮއިސް އެންޑް ޕުލަސްގެ ފަރާތުން މައުލޫމާތުދޭ ގޮތުގައި ހަތަރު ފެކޭޖަކަށް ބަހާލައިގެން ކުރިއަށް ގެންދާ މި ހިތުމަތުގައި 150ރ، 250ރ، 320ރ، 380ރ ގެ ޕެކޭޖް ހިމެނޭ ކަމަށެވެ. އަދި ހުރިހާ ޗެނެލްތައް 380 ރުފިޔާގެ ޕެކޭޖް އިން ފެނިގެންދާ އިރު މި ޕްރޮމޯޝަންގެ ދަށުން މީޑިޔާ ނެޓް ހިޓްސްގެ ޑީކޯޑަރު ގަންނަ ފަރާތްތަކަށް 10 ދުވަހު ފުލް ފެކޭޖް ހިލޭ ބަލާލުމުގެ ފުރުސަތު ލިބޭނެ ކަމަށެވެ.

އޭގެ އިތުރުން 320 ރުފިޔާގެ ޕެކޭޖް ނަންގަވާ ފަރާތްތަކަށް 55 ޗެނަލް ފެންނައިރު މި ޕްރޮމޯޝަންގެ ދަށުން 67 ޗެނަލް ތިން މަސްދުވަހަށް ފެނިގެންދާނެ ކަމަށް އެފަރާތުން މައުލޫމާތު ދެއެވެ.

މީޑިޔާ ނެޓު ހިޓްސް އިން ރީ- ބްރޯޑްކާސްޓް ކުރަމުންދާ ތަފާތު 67 ޗެނަލެއް ހިމެނެއެވެ. އޭގެ ތެރޭގައި އައިސް ޓީވީ އެޗްޑީ، ޒީ ލިވިންގ، އެޗްބީއޯ އެޗްޑީ، ނިކް ޖޫނިޔާ، ސެޓް މެކްސް، ފޮކްސް މޫވީ އެޗްޑީ، ފޮކްސް ކުރައިމް، ޓުރޫ ޓީވީ ފަދަ މަޝްހޫރު ޗެނަލްތައް ހިމެނެ އެވެ.

ޗޮއިސް އެންޑް ޕުލަސްގެ ކުރީގެ ޑިކޯޑަރު ނަގާފައިވާ ފަރާތްތަކަށް މީގެ ތެރެއިން މަގުބޫލު ބައެއް  ޗެނަލްތައް ނުފެންނާނެ ކަމަށާއި މިއީ މުޅިން ތަފާތު ދެ ހިދުމަތެއް ކަމަށް އެފަރާތުން މައުލޫމާތު ދެއެވެ.

ޗޮއިސް އެންޑް ޕްލަސްއިން ބުނީ ކުޅުދުއްފުށީގެ ކަސްޓަމަރުންނަށް އާ  ތަފާތު ހިދުމަތެއް ވަރަށް އަވަހަށް ތައާރަފުކުރެވިގެންދާނެ ކަމަށެވެ. އަދި ވަރަށް އަވަހަށް އިތުރު ރަށްތަކެއް ކޭބަލް ޓީވީގެ ހިދުމަތް ފެށުމުގެ މަސައްކަތް ވަރަށް  ބާރަށް ދަނީ ކުރިއަށެވެ.

ޗޮއިސް އެންޑް ޕްލަސް އިން ކުޅުދުއްފުށީގެ އިތުރުން، އިތުރު ތިން ރަށެއްގައި އަންނަނީ ކޭބަލް ޓިވީގެ ހިދުމަތް ފޯރުކޮށްދެމުންނެވެ.