ޗެންޕިއަންސް ލީގުގެ މެޗުތައް ލައިވްކޮށް ދިރާގު ޓީވީން ބަލާލެވޭނެ

ފުޓްބޯޅައަށް ލޯބިކުރާ ފަރާތްތައް ބަލަމުން އަންނަ ޗެންޕިއަންސްލީގު ފުޓްބޯޅަ މިހާރު ދިރާގުޓީވީ މެދުވެރިކޮށް ލައިވްކޮށް ބަލައިލެވޭނޭ އެވެ.

ދިރާގުން މައުލޫމާތުދޭ ގޮތުގައި މިރޭ 11:45 ގައި ދިރާގު ޓީވީ މެދުވެރިކޮށް ސޮނީ ސްޕޯޓްސް އިން ޗެންޕިއަންސް ލީގުގެ މެޗު ވަގުތުން ގެނެސްދޭނެ ކަމަށެވެ.

ދިރާގު ޓީވީ އަކީ މިއަހަރުގެ އެފްރީލްމަހު 60 ޗެނަލްއާއި އެއްކޮށްފެށި ހިދުމަތެކެވެ. މިހާރު 80 ޗެނަލް ހިމެނޭއިރު އެކަށީގެންވާ ފެންވަރެއްގައި ޕްރޮގްރާމްތަކާއި ޗެނަލްތައް ގެނެސް ދިނުމުގެ ގޮތުން އަދިވެސް ގިނަ ޗެނަލްތައް އިތުރު ކުރަމުންދާ ކަމަށް ދިރާގުން މައުލޫމާތު ދެއެވެ.

އަދި ދިރާގު ޓީވީ ބޭނުންކޮށްގެން އެހެން ވަސީލަތްތަކުން ވެސް (ލެޕްޓޮޕް، ޓެބްލެޓް އަދި ސްމާޓްފޯން) ރާއްޖޭގެ ކޮންމެތަނެއްގައި ކޮންމެ ވަގުތެއްގައި ޓީވީ ބެލޭނެ ކަމަށް ދިރާގުން މައުލޫމާތު ދެއެވެ.