“ސަތޭކަ” އަށް 5 އަހަރު ފުރުން ފާހަގަކޮށް ބޮޑު ޕްރޮމޯޝަނެއް ފަށައިފި

ބިޔަލަންކޯ ޕްރައިވެޓް ލިމިޑެޓުން ކުޅުދުއްފުށީގައި ހިންގާ ” ސަތޭކަ ” ފިހާރައަށް ފަސް އަހަރު ފުރުމުގެ ގޮތުން ބޮޑު ޕްރޮމޯޝަންއެއް ފަށައިފި އެވެ.

އޮކްޓޫބަރ 1 ން ނޮވެންބަރ 30 އަށް ކުރިއަށް ގެންދާ މި ފްރޮމޯޝަންގައި ސަތޭކަ ފިހާރައިން ކުރާ ކޮންމެ ސަތޭކަ ރުފިޔާއިން މަތީގެ ވިޔަފާރިއަކަށް ކޫޕަނެއް ލިބޭނެ އެވެ. އަދި ގުރުއަތުން ހޮވޭ ފަރާތަކަށް އަގުހުރި އިނާމުތަކެއް ހިނެމެއެވެ.

ސަތޭކަ ފިހާރައިގެ ފަސްވަނަ އަހަރީ ދުވަހަށް ތައްޔާރުވެފައި– ފޮޓޯ: ކޭއޯ

އެގޮތުން 1 ވަނައަށްދާ ފަރާތްތަކަށް 1200 ބީޓީޔޫގެ އޭސީއެއް އަދި ދެވަނަ އަށް އިލެކްޓްރިކް ގުރިލްގެ އިތުރުން ތިންވަނަ އަށް ޑީޕް ފްރައިޔާ އެއް ހިމެނެއެވެ.

ސަތޭކައިގެ އޮފިޝަލަކު މައުލޫމާތުދޭ ގޮތުގައި ނަސީބުވެރި ފަރާތެެއް ހޮވާނީ ޑިސެންބަރ 8 ވަނަ ދުވަހުގެ ރޭގަނޑުގެ ވަގުތެއްގައި ކަމަށެވެ.

ބަންޑާރަމަގުގައި އިންނަ ސަތޭކަ ފިހާރަ ފުރަތަމަ ހުޅުވިގެން އައީ ރީޓެއިން ކޮށް މުދާ ވިއްކާ އިންޕޯޓްގެ ވިޔަފާރި ކުރާ ފިހާރައެއްގެ ގޮތުގައި އެވެ. ނަމަވެސް ވިޔަފާރި ފުޅާވެ މިދިޔަ އަހަރުގެ ޖޫން މަހު ވަނީ ހޯލްސޭލްކޮށް މުދާ ވިއްކާ ފިހާރައެއްވެސް ހުޅުވާފައި އެވެ.