ރާއްޖޭގެ ފުރަތަމަ ޑިޖިޓަލް ޕްލޭނާރ “މަމެން” ދިރާގުން ތައާރަފް ކޮށްފި

ރާއްޖޭގެ ފުރަތަމަ ޑިޖިޓަލް ޕްލޭނާރ “މަމެން” ދިރާގުން ތައާރަފްކޮށްފި އެެވެ.

އިއްޔެ ވިލިމާލޭގައި ބޭއްވި “ދިރާގު ޔޫތް ފެސްޓް 2017” ގެ ތެރެއިން ތައާރަފް ކުރި “މަމެން”ނަކީ ކަސްޓަމައިޒް ކުރެވޭގޮތަށް ތައްޔާރުކޮށްފައިވާ ޕްލޭނާރ އެކެވެ.

އެގޮތުން “މަމެން” ބޭނުންކޮށްގެން އެކަސްޓަމަރަކު ބޭނުންވާ ގޮތަށް މޯބައިލް ޑާޓާ، އެސްއެމްއެސް، އަދި މިނެޓް ހިމެނޭގޮތަށް މޯބައިލް ޕްލޭނެއް އިހުތިޔާރު ކުރެވޭނެ އެވެ. މި ހިދުމަތް ކަސްޓަމަރުންނަށް ވަރަށް އަވަހަށް ތައާރަފް ކުރެވިގެން ދާނެ ކަމަށާއި މި ޕްލޭނަރ ރަސްމީކޮށް އިފްތިތާހު ކުރުމުގެ ގޮތުން މަމެންގެ ފުރަތަމަ 100 ކަސްޓަމަރުންނަށް ވަނީ ހިލޭ ސިމް އަދި 10 ޖީބީގެ އިންޓަނެޓް ޕެކޭޖެއް ދީފަކަމަށް ދިރާގުން މައުލޫމާތު ދެއެެވެ.

ދިރާގުން މުޅިން އަލަށް ތައާރަފްކުރި މޯބައިލް ގޭމެއް ކަމުގައިވާ އާރްބީ ކުއެސްޓް ގޭމް ޑައުންލޯޑްކޮށް އެ ގޭމް ކުޅުނު ކަސްޓަމަރުންގެ މެދުގައި ނެގުނު ގުރުއަތުން ވަނަވަނައަށް ހޮވުނު ފަރާތްތަކަށް މިފެސްޓިވަލްގެ ތެރޭގައި ވަނީ އިނާމު ދީފަ އެވެ.