އެސްޓީއޯއިން ވިއްކާ ޑީސަލް އާއި ޕެޓްރޯލްގެ އަގު ބޮޑުކޮށްފި

ސަރުކާރާއި ރައްޔިތުން ހިއްސާވާ ވިޔަފާރި ކުންފުންޏެއް ކަމަށްވާ އެސްޓީއޯއިން ވިއްކާ ޑީސަލާއި ޕެޓްރޯލުގެ އަގު ބޮޑުކޮށްފި އެވެ.

އެސްޓީއޯއިން ނެރެފައިވާ ނޫސް ބަޔާނެއްގައި ބުނެފައި ވަނީ ދުނިޔޭގެ ބާޒާރުގައި ތެލުގެ އަގު އުފުލުމާ ގުޅިގެން މިއަދުން ފެށިގެން ޑީސެލް ލީޓަރަކުން 0.44 ލާރި އަގު ބޮޑުވާނެ ކަމަށާއި ޕެޓްރޯލް ލީޓަރަކުން 0.35 ލާރި ބޮޑު ވާނެ ކަމަށެވެ.

އެގޮތުން މިހާރު ޑީސެލް ލީޓަރެއްގެ އަގު ހުންނާނީ 9.61 ރުފިޔާއަށް ކަމަށާއި ޕެޓްރޯލް ލީޓަރެއް ދެން ވިއްކާނީ 9.87 ރުފިޔާއަށް ކަމަށެވެ.

މި އަހަރުގެ އޮގަސްޓް މަހުވެސް ވަނީ ދުނިޔޭގެ ބާޒާރުގައި ތެލުގެ އަގު އުފުލެމުން ދިއުމާއި ގުޅިގެން އެސްޓީއޯއިން ވިއްކާ ޑީސަލް ލީޓަރެއް 9.17 އަށް އަދި ޕެޓްރޯލް ލީޓަރެއްގެ އަގު 9.52 ރުފިޔާއަށް ބޮޑުކޮށްފައި އެވެ.