ދިރާގުން ސެމްސަންގް އެސް9 އަދި ގެލެގްސީ އެސް9 ޕްލަސް ވިއްކަން ފަށައިފި

ދިރާގުން ރޭ ސެމްސަންގް ގެލެކްސީ އެސް9 އަދި ގެލެކްސީ އެސް9 ޕްލަސް ވިއްކަން ފަށައިފި އެވެ.

ސެމްސަންގް ގެލެކްސީ އެސް9 އަދި ގެލެކްސީ އެސް9 ޕްލަސް ދިރާގުން ރޭ އިފްތިތާހުކޮށްފައިވާއިރު އެ ރަސްމިއްޔާތުގައި އެސް9 އަދި ގެލެކްސީ އެސް9 ޕްލަސް ޕްރީއޯޑާ ކުރި ފަރާތްތަކަށް ފޯނު ދޫކޮށްފައިވެއެވެ.

އެގޮތުން ދިރާގުން ޕްރީ އޮޑާ ކުރި ފަރާތްތަކަށް ހަ މަސް ދުވަސް ވަންދެން ކޮންމެ މަހަކު ހިލޭ ފަސް ޖީބީގެ ޑޭޓާ ދޭނެ އެވެ. އަދި ޕްރީއޯޑާ ކުރި ފަރާތްތަކަށް ސެމްސަންގް ގިއާ ސްޕޯޓްސް ވޮޗުން 30 ޕަސެންޓް ޑިސްކައުންޓް ލިބޭނެ ކަމަށްވެސް ދިރާގުން ބުންޏެވެ. އެ ގަޑި ވިއްކަން ހަމަޖެހިފައި ވަނީ އަންނަ މަހުގެ ކުރީކޮޅު އެވެ.

ދިރާގުން ބުނީ އެސް9 އަދި އެސް9 ޕްލަސްގެ 64 ޖީބީ އާއި 128 ޖީބީގެ ފޯނު ލިބެން ހުންނާނެ ކަމަށާއި އެގޮތުން މިޑްނައިޓް ބްލެކާއި ކޮރަލް ބްލޫ އަދި ލިލަކް ޕާޕަލް ކުލައިގެ ސަމްސަންގް އެސް-9 އަދި އެސް-9 ޕްލަސް ލިބެން ހުންނާނެ ކަމަށެވެ.