ދިރާގުން ގެލެކްސީ ނޯޓް 9 ރަސްމީކޮށް ތައާރަފު ކުރަނީ

ދިރާގުން ސެމްސަންގްގެ އެންމެ ފަހުގެ ޕްލޭގްޝިޕް ފޯނު، ގެލެކްސީ ނޯޓް 9 ރާއްޖޭގައި ރަސްމީކޮށް ހުކުރު ދުވަހުގެ ރޭ ތައާރަފު ކުރަން ހަމަޖައްސައިފިއެވެ.

ދިރާގު ހެޑް އޮފީހުގައި ބާއްވާ މި ހަފުލާގައި ދިރާގު މެދުވެރިކޮށް ފޯނުތައް ޕްރީއޯޑަރ ކުރެއްވި ކަސްޓަމަރުންނަށް ފޯނު ހަވާލުކުރެއްވުންވެސް އޮންނާނެއެވެ.

އަދި ރާއްޖޭގެ އެކި ކަންކޮޅުތަކުން މި ފޯނު ޕްރީ އޯޑާ ކުރެއްވި ކަސްޓަމަރުންނަށް އަންނަ ހަފުތާއިން ފެށިގެން އެ ކަސްޓަމަރަކާއި އެންމެ ގާތް ދިރާގު ރީޖަނަލް އޮޕަރޭޝަންސް ސެންޓަރ އަކުން ފަސޭހަކަމާއި އެކު ލިބޭނެ އިންތިޒާމު ދިރާގުން ވަނީ ހަމަޖައްސާފައިއެވެ.

ބާޒާރަށް ނިކުންނަ އެންމެ ފަހުގެ ފްލޭގްޝިޕް ފޯނުތައް، އެންމެ ފުޅާދާއިރާއެއްގައި ރާއްޖެއަށް ތައާރަފްކުރާ ، އެންމެ ލުއި ފަސޭހަ އިންސްޓޯލްމެންޓް ޕްލޭންތައް ކަސްޓަމަރުންނަށް ފޯރުކޮށްދޭ ކުންފުންޏަކީ ދިރާގެވެ. އެހެން ކަމުން މިފަހަރުވެސް ދިރާގު މެދުވެރިކޮށް ނޯޓް9 ނެންގެވި ކަސްޓަމަރުންނަށް ހަ މަސް ދުވަސް ވަންދެން ކޮންމެ މަހެއްގައި ފަސް ޖީބީގެ ހިލޭ ޑޭޓާ ލިބިގެންދާނެކަމަށް ދިރާގުން ހާމަކުރެއެވެ. އަދި މީގެ އިތުރުން އޭކޭޖީ ބްރޭންޑްގެ ބްލޫޓޫތް ސްޕީކަރެއްވެސް ޕްރީ އޯޑާ ކުރެއްވި ކަސްޓަމަރުންނަށް ލިބިގެން ދާނެއެވެ.

ސެމްސަންގް ގެ އެންމެ ފަހުގެ މި ފޯނު އަމިއްލަ ފުޅަށް ޓެސްޓް ކުރުމުގެ އިންތިޒާމު މިހާރުވެސް ދިރާގު ހެޑް އޮފީހުގެ އެކްސްޕީރިއަންސް ސެންޓަރ ގައި ވަނީ ހަމަޖައްސާފައިއެވެ.

ދިރާގަކީ ރާއްޖޭގައި ސެމްސަންގްގެ އޮތޮރައިޒްޑް ޑިސްޓިރިބިއުޓާ އެވެ. ދިރާގުން 2015 ވަނަ އަހަރުން ފެށިގެން ސެމްސަންގާއި ގުޅިގެން ދަނީ ރާއްޖޭގައި ސެމްސަންގް ގެ ފޯނުތައް ރަސްމީ ކޮށް ތައާރަފު ކުރަމުންނެވެ.