ބީޗް ހޭންޑްބޯލް ޗެމްޕިއަންޝިޕް ގައި 14 ޓީމަކުން ބައިވެރިވެއްޖެ

ޑަބްލިއު ސްޕޯޓްސް އެކަޑަމީއާއި ހޭންޑްބޯލް އެސޯސިއޭޝަންއާ ގުޅިގެން ބާއްވާ ބީޗް ހޭންޑްބޯލް ޗެމްޕިއަންޝިޕްގައި 14 ޓިމަކުން ބައިވެރިވެއްޖެއެވެ.

ޓީމް ލިސްޓްލުމުގެ ސުންގަޑި މި މަހު 10 ގައި ހަމަވެފައިވާއިރު، މުބާރާތުގައި އަންހެން 6 ޓީމަކާއި ފިރިހެން 8 ޓީމަކުން ވަނީ ބައިވެރިވެފައެވެ. ބައިވެރިވެފައިވާ އަންހެން ޓީމް ތަކަކީ ބޯލް ބަސްޓާރ، ބުލްބުލް، ޑޮންޓާރިސް ކަނބަލުން، ފަޔާރ ބޯލްސް ގެ އިތުރުން ނިކަ އާއި ޓީމް ޓައިޓެންސް އެވެ.

ފިރިހެން ޓީމް ތަކުގެތެރޭގައި ހިމެނެނީ ބޭލާ، ވަންތާރޓީ، އެލިޓް، ނިއުއޭޖް، ސޮލޮނައިޑް، ޓަރޓަރުގަ ގެ އިތުރުން ޔުނައިޓަޑް ފުރެންޑްސް އާއި ވެލްކަންސް އެވެ.

ޑަބްލިއު ސްޕޯޓްސް އެކަޑަމީން އިންތިޒާމްކޮށްގެން ފުރަތަމަ ފަހަރަށް ބާއްވާ ބީޗް ހޭންޑްބޯލް ޗެމްޕިއަންޝިޕް ފެށުމަށް ހަމަޖެހިފައިވަނީ އަންނަ ހޯމަދުވަހުއެވެ.