ދިރާގު ޓީވީން ޔޫއެފްސީގެ މެޗުތައް ލައިވް ކުރަނީ

އަލްޓިމެޓް ފައިޓިން ޗެމްޕިއަންޝިޕް (ޔޫއެފްސީ) ގެ މެޗުތައް ދިރާގު ޓީވީން ލައިވްކުރަން އެ ކުންފުނިން ނިންމައިފި އެވެ.

ޔޫއެފްސީގެ މެޗުތަކުގެ ތާވަލާއި އިތުރު ލައިވް އިވެންޓުތައް އޮންނަ ގަޑިތައް ދިރާގުގެ ސޯޝަލް މީޑިއާ ވަސީލަތްތަކުން މިހާރު ބަލާލެވޭނެއެވެ. އެގޮތުން މެޗުތައް ވަގުތުން ދައްކާ ޗެނަލްތަކުގެ ތެރޭގައި ސޮނީ ޓެން 2 އެޗްޑީ އާއި ސޮނީ ޓެން 3 އެޗްޑީ އަދި ސޮނީ ސިކްސް އެޗްޑީ ހިމެނެ އެވެ.

މި މުބާރާތުގެ ފުރަތަމަ މެޗު އޮންނާނީ މާދަމާ ހެނދުނު 7:00 ގަ އެވެ.

މި މެޗުތައް ބަލަން ބޭނުންވާ ފަރާތްތަކަށް ދިރާގު ޓީވީ މެދުވެރިކޮށް ޓީވީން ނުވަތަ ފޯނުންވެސް މެޗުތައް ބަލާލެވޭނެ އެވެ.

މިކްސް މާޝަލް އާޓް ފެނިގެންދާ މި ޗެމްޕިއަންޝިޕަކީ ދިވެހިންގެ މެދުގައި މަގުބޫލުކަން ހޯދާފައިވާ ޗެމްޕިއަންޝިޕެކެވެ..