ޕޯސްޓް މެދުވެރިކޮށް އެތެރެކުރަން އުޅުނު މަސްތުވާތަކެތި އަތުލައިގެންފި

ޕޯސްޓްގެ ޒަރީއާއިން ފަސް ފަހަރެއްގެ މަތިން ރާއްޖެއެތެރެ ކުރަން އުޅުނު މަސްތުވާތަކެތި ކަސްޓަމްސް އިން އަތުލައިގަނެފި އެވެ.

މި ތަކެތި އަތުލައިގެންފައިވަނީ ޕާރުސަލްތައް ބަލައިފާސްކުރުމުގެ ތެރޭގައި އެވެ. މީގެ ތެރޭގައި ނެދަލެންޑްސް އިން އެތެރެ ކުރަން އުޅުނު އެމް.ޑީ.އެމް.އޭ (އެކްސްޓެސީ) 04 ގްރާމް ގެ އިތުރުން ގްރޭޓް ބްރިޓަން އެތެރެ ކުރަން އުޅުނު 04 ގްރާމް އެލް.އެސް.ޑީ، 91 ގްރާމް އެމް.ޑީ.އެމް.އޭ (އެކްސްޓެސީ) އަދި ޔުނައިޓެޑް ކިންގްޑަމް އިން އެތެރެ ކުރަން އުޅުނު 32 ގްރާމް އެމްފެޓަމިން ހިމެނެ އެވެ.

މި ތަކެތީގެ ބަރުދަނުގައި ޖުމްލަ 131 ގްރާމް ހުރިއިރު މިތަކެތީގެ މަގުމަތީ އަގު ގާތްގަނޑަކަށް ދެ ލައްކަ ހަތްދިހަ އަށްހާސް ރުފިޔާއަށް އަރާނެ ކަމަށް ލަފާކުރެވޭ ކަމަށް ކަސްޓަސް އިން ބުނެ އެވެ. އަދި އަތުލައިގަނެވުނު މަސްތުވާތަކެއްޗާއެކު މި މައްސަލަ އިތުރަށް ތަހުގީގުކުރުމަށްޓަކައި މިހާރު ވަނީ މޯލްޑިވްސް ޕޮލިސް ސަރވިސްއާ ހަވާލުކުރެވިފައެވެ.