ކައުންސިލް އިންތިހާބުގެ ކުރިން ކުޅުދުއްފުއްޓަށް ސިޓީއެއްގެ ދަރަޖަ ލިބޭނެކަމުގެ އިޝާރާތެއް ޔާސިރު ދެއްވައިފި

ކުރިއަށް އޮތް ލޯކަލް ކައުންސިލް އިންތިހާބުގައި ކުޅުދުއްފުށީގެ ރައްޔިތުން ވޯޓުލާނީ ސިޓީ ކައުންސިލެއް އިންތިހާބުކުރުމަށްކަމަށް ކުޅުދުއްފުށީ އުތުރު ދާއިރާގެ މެމްބަރު ޔާސިރު އަބުދުލް ލަތީފް ވިދާޅުވެއްޖެ އެވެ.

ކުޅުދުއްފުށީ ސިޓީއަކަށް ބޭނުންވާ ގާނޫނީ އަދަދު ހަމަވެ އަދި އެހެން ސިޓީތަކުން ލިބޭ ފެންވަރުގެ ހިދުމަތް ކުޅުދުއްފުށިން ލިބޭއިރު ސިޓީގެ ދަރަޖަ ނުލިބި ލަސްވަމުންދާތީ އެރަށުގެ ރައްޔިތުން އަންނަނީ ކަންބޮޑުވުންފާޅުކުރަމުންނެވެ. އަދި އަންނަ ކައުންސިލުން އިންތިހާބު ބޮއިކޮޓްކުރުމަށްވެސް އަންނަނީ ގޮވާލަމުންނެވެ.

ޔާސިރު މިއަދު ކުރެއްވި ޓްވީޓެއްގައި ވިދާޅުވީ، ކުރިއަށް އޮތް ކައުންސިލް އިންތިހާބުގައި ކުޅުދުއްފުށީގެ ރައްޔިތުން ވޯޓްލާނީ ސިޓީ ކައުންސިލްއެއް އިންތިހާބުކުރުމަށް ކަމަށެވެ.

"ކުރިއަށް އޮތް ލޯކަލް ކައުންސިލް އިންތިހާބުގައި ކުޅުދުއްފުށީގެ ރައްޔިތުން ވޯޓުލާނީ ސިޓީ ކައުންސިލެއް އިންތިހާބުކުރުމަށް. އެމްޑީޕީއަކީ ވައުދުވާ އަދު ވައުދު ފުއްދާ ޕާޓީއެއް." ރައްޔިތުންނާ ގާތް ގުޅުމެއް ބާއްވާ ޔާސިރު ވިދާޅުވި އެވެ.

ކުރިޔަށް އޮތް ލޯކަލް ކައުންސިލް އިންތިޙާބުގައި ކުޅުދުއްފުށީގެ ރައްޔިތުން ވޯޓުލާނީ ސިޓީ ކައުންސިލް އެއް އިންތިޙާބު ކުރުމަށް. އެމް.ޑީ.ޕީ އަކީ ވަޢުދުވާ އަދި ވައުދު ފުއްދާ ޕާޓީއެއް.

ޝުކުރިއްޔާ ރައީސް @MohamedNasheed
ޝުކުރިއްޔާ ރައީސުލް ޖުމްޙޫރިއްޔާ @ibusolih
💛@MDPSecretariat💛

— Yasir Abdul Latheef (@YasirLathyf) December 29, 2019

އިންތިހާބުގެ ކުރިން ކުޅުދުއްފުށި ސިޓީއެއްގެ ދަރަޖަ ދޭނެކަމަށް އިޝާރާތްކުރައްވަމުން ޔާސިރު ކުރެއްވި މި ޓްވީޓްގައި ރައީސުލް ޖުމްހޫރިއްޔާ އިބުރާހިމް މުހައްމަދު ސޯލިހަށާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދަށްވަނީ ޝުކުރުއަދާކުރައްވާފަ އެވެ.