ޓޫރިޒަމް މިނިސްޓްރީގެ ނައިބަަކަށް އާތިފް އައްޔަން ކުރައްވައިފި

ޓޫރިޒަމް މިނިސްޓްރީގެ ނައިބުގެ މަގާމަށް ހދ އަތޮޅު ކައުންސިލްގެ ކައުންސިލަރެއްގެ މަގާމު ހުރި އަހުމަދު އާތިފް އައްޔަން ކުރައްވައިފި އެވެ.

ރައީސުލްޖުމްހޫރިއްޔާ އިބްރާހީމް މުހައްމަދު ސާލިހް މިނިސްޓަރ އޮފް ޓޫރިޒަމްގެ ނައިބުގެ މަގާމަށް އަހްމަދު އާތިފް އައްޔަން ކުރައްވާފައި ވާއިރު ކުރިއަށް އޮތް ލޯކަލް ކައުންސިލް އިންތިހާބުގައި ކުޅުދުއްފުށީގެ މޭޔަރުގެ މަގާމަށްވެސް އާތިފް ކުރިމަތިއްލެއްވި އެވެ.

އާތިފް ވަނީ ކުރިން ހދ އަތޮޅު ކައުންސިލުގެ ރައީސްކަމާއި ނައިބު ރައީސްކަން ވެސް ކުރައްވާފަ އެވެ.

ޓޫރިޒަމް މިނިސްޓްރީގެ ނައިބުގެ މަގާމަށް އައްޔަން ކުރެއްވި އާތިފް މިއަދު ވިދާޅުވީ، ކުޅުދުއްފުށި ސިޓީގެ މޭޔަރުގެ މަގާމަށް ކުރިމަތިނުލައްވަން މިހާރު ނިންމަވާފައިވާ ކަމަށެވެ.

Welcome to @MoTmv Deputy Minister of Tourism Ahmed Athif. pic.twitter.com/Trsuhxr1XB

— Ministry of Tourism (@MoTmv) January 29, 2020

އާތިފް މިހާރު ގެންދަވަނީ ބްރިޓިޝް ސްކޫލް އޮފް ކޮމާސް އިން މާސްޓާސް އޮފް ބިޒްނަސް އެޑްމިނިސްޓްރޭޝަން ފުރިހަމަ ކުރައްވަމުންނެވެ. އަދި ބިޒްނަސް އެޑްމިނިސްޓްރޭޝަންގެ ދާއިރާ އިން އެވިޑް ކޮލެޖުން ގްރެޖުއޭޓް ޑިޕްލޮމާ ވެސް އަހްމަދު އާތިފް ވަނީ ހާސިލު ކުރައްވަ އެވެ.