ބޮޑު ތިލަދުންމަތި ބޮޑު ބާޒާރު ހުޅުވައިފި

ބޮޑުތިލަދުންމަތި ބޮޑު ބާޒާރު ހުޅުވައިފި އެވެ. މި ބާޒާރު ހުޅުވައިދެއްވި އެކަމަށްޓަކާ މިއަދު ހަވީރު ބޭއްވި ރަސްމިއްޔާތެއްގައި މޭޔަރު މުހައްމަދު އާތިފެވެ.

ކުޅުދުއްފުށި ސިޓީ ކައުންސިލުން އިންތިޒާމުކުރާ މި ބޮޑު ބާޒާރު އޮންނާނީ ސެޕްޓެމްބަރު 30 އިން އޮކްޓޫބަރު މަހުގެ 4 ވަނަ ދުވަހުގެ ނިޔަލަށް ވެލިގަނޑު ސަރަހައްދުގަ އެވެ. މި ބާޒާރުގައި 22 ވިޔަފާރިއަކުން ބައިވެރިވެފައިވެ އެވެ.

އެގޮތުން މުނިފޫހިފިލުވުމުގެ ހަރަކާތްތަކުގެ ތެރޭގައި ބޮޑުބެރާއި މިއުޒިކް ބޭންޑްގެ ހުށަހެޅުންތައްވެސް ފެނިގެންދާނެ އެވެ. މީގެ އިތުރުން ބިރުވެރި ހޮހޮޅަ ތަޖުރިބާކުރުމުގެ ފުރުސަތުވެސް ލިބިގެންދާނެ އެވެ.

ގިނަ ހަރަކާތްތަކަކާއެކު ކުރިއަށްގެންދާ މި ބާޒާރުގައި އައިލެންޑް ކާނިވަލްގެ ގޭމްތައް ކުޅުމުގެ ފުރުސަތުވެސް ލިބިގެންދާނެ އެވެ. އެގޮތުން އެ ކާނިވަލްގައި 12 ކުޅިވަރެއް ހިމެނޭނެ ކަމަށް ސިޓީ ކައުންސިލުން މައުލޫމާތުދެ އެވެ.

މި ކާނިވަލް މަގުސަދަކީ ހއ.ހދ. އަށި ށ އަތޮޅުގެ ކުދި ވިޔަފާރިތައް ހާއްސަކޮށް އެމީހުންގެ އުފެއްދުންތައް މާކެޓްކުރުމުގެ ފުރުސަތު ހުޅުވާލުމާ އެކު އިޖްތިމާއީ ގުޅުން ބަދަހި ކުރުމަށް އާއިލީ ހަވީރާއި، ތަފާތު އެކި ކަހަލަ ކާނިވަލް ގޭމްތައް ކުޅުމުގެ މަގު ފަހިކޮށްދިނުމެވެ.