ފުލައިމީއިން މިމަހު ހަނިމާދޫއަށް ހާއްސަ އަގެއްގައި ދަތުރުކުރަނީ

ފުލައިމީން މި މަހުގެ 16 އަދި 22 ވަނަ ދުވަހު ހަނިމާދޫއަށް ދަތުރުކުރާ ފުލައިޓުން ހާއްސަ އަގެއްގައި ދަތުރު ކުރުމުގެ ފުރުސަތު ހުޅުވާލައިފި އެވެ.

އެ ދެ ދުވަހަށް ހާއްސަ އަގެއް ކަނޑައަޅާފައިވެ އެވެ. ހަނިމާދު އަށް ފްލައިމީގެ ޝެޑިއުލް ދަތުރުތައް ނުކުރި ނަމަވެސް މި ހާއްސަ އަގުތައް ކަނޑައަޅާފައިވަނީ އެ ދުވަހު ދަތުރު ކުރާ ފްލައިމީގެ ޗާޓާ ފްލައިޓްތަކަށެވެ.

އެ ދެދުވަހުގެ ފުލައިޓުން ދަތުރުކުރަން ބޭނުންވާ ފަރާތްތަކުން މިހާރުވެސް ޓިކެޓް ގަތުމަށްޓަކައި ވިލާ ޓްރެވެލްސް އަށް ގުޅައިގެން ކުރިއަށް ގެންދެވޭނެ ކަމަށާއި މި ދަތުރު ތަކުގެ ޓިކެޓް އަގަކީ 955 ރުފިޔާ ކަމަށް ވިލާ ޓްރެވެލްސް އިން ބުނެ އެވެ.

މިހާރު ފުލައިމީ ދަތުރުކުރާ މަންޒިލްގެ ތެރޭގައި ހިމެނެނީ އދ. މަމިގިއްޔާއި ބ. ދަރަވަންދޫ އެވެ.