އެލައިޑު ޕޮލިސީތަކަށް މިހާރު ދިރާގު ފޭއިން ފައިސާ ދެއްކޭނެ

ދިރާގުގެ ޑިޖިޓަލް ވޮލެޓް، ދިރާގު ޕޭ މެދުވެރިކޮށް އެލައިޑް އިންޝުއަރެންސްގެ ޕޮލިސީތަކަށް ފައިސާ ދެއްކޭ ގޮތް ހަމަޖައްސައިފި އެވެ.

ދިރާގު ޕޭއަކީ ކޭޝްލެސް ނުވަތަ ޖީބުގައި ފައިސާ އަދި ޕްލާސްޓިކް ކާޑް ނުގެންގުޅެ ވިޔަފާރީގެ އެކި މުއާމަލާތް ހިންގޭ ޑިޖިޓަލް ވޮލެޓެކެވެ.

ދިރާގުން ބުނީ ދިރާގު ޕޭ ބޭނުންކުރާ ކަސްޓަމަރުންނަށް އެލައިޑްގެ އެޕްލިކޭޝަނާއި އެލައިޑުގެ ވެބްސައިޓް އަދި ޓްރެވަލާސް.އެމްވީ ވެބްސައިޓުން އެލައިޑުގެ ހުރިހާ އިންޝުއަރެންސް ޕޮލިސީތައް ގަނެވޭނެ އެވެ.

އަދި އެލައިޑްގެ ކަސްޓަމާ ސާވިސް ސެންޓަރުތަކުން 'ކިއުއާރު ކޯޑް' ނުވަތަ އެލައިޑްގެ މާޗަންޓް އައިޑީ ޖެހުމަށްފަހު ދިރާގު ޕޭގެ އެޕްލިކޭޝަން މެދެވެރިކޮށް ލައިފް އިންޝުއަރެންސް ފިޔަވާ އެހެން ހުރިހާ ޕޮލިސީތަކަށް ވެސް ފައިސާ ދެއްކޭނެ އެވެ.

ދިރާގު ޕޭގެ ޚިދުމަތް މިހާރު ރާއްޖޭގެ އެކި ހިސާބުތަކުން 270 މާޗެންޓުން ފޯރުކޮށްދެއެވެ. އަދި މާޗެންޓުން މެދުވެރިކޮށް ހިދުމަތް ކުރާ ވިޔަފާރިތަކަށް 10 ޕަސެންޓާއި 50 ޕަސެންޓާ ދެމެދުގެ ޑިސްކައުންޓެއް ވެސް ދެއެވެ.