ރައްޔިތުންގެ މަޖިލީހުގައި އޮތީ އެމްޑީޕީގެ ސުޕަރ މެޖޯރިޓީ ކަމަށާއި ރައްޔިތުންގެ ކަންބޮޑުވުންތައް އަޑުއަހައި ބަދަލުތައް ގެންނާނެކަމަށް ރައްޔިތުން މަޖިލީހުގެ ކުޅުދުއްފުށީ އުތުރު ދާއިރާގެ މެމްބަރު ޔާސިރު އަބުދުލް ލަތީފް ވިދާޅުވެއްޖެ އެވެ.
ޔާސިރު މިމޭރުމުން ވާހަކަ ދައްކަވާފައިމިވަނީ ރައްޔިތުން މަޖީލީހަށް ސަރުކާރުގެ ފަރާތުން ހުށަހެޅި ބައެއް ބިލްތަކާ ގުޅޭގޮތުން ރައްޔިތުންގެ ފާޑުލިޔުން މަޖިލީހަށާއި އެމްޑީޕީއަށް އަމާޒުވެފައިވަނިކޮށްނެވެ.
ބިލްތައް ޑްރާފްޓްކުރަނީ ސަރުކާރުގެ އެކި އިދާރާތަކުންކަން ފާހަގަކުރައްވަމުން ޔާސިރު ކުރެއްވި ޓްވީޓްގައި ވިދާޅުވީ، ސަރުކާރުގައި އޮންނަނީ އެމްޑީޕީގެ 40 އިންސަތަ ކަމަށާއި ބިލްތައް ތައްޔާރުކުރުމުގައި އެއްވެސް ފަރާތެއްގެ ނުފޫޒެއް އޮތްކަމަށް ގަބޫލު ނުކުރައްވާ ކަމަށެވެ.
"އަހަރެން މިހުރީ އެއްވެސް ނުފޫޒުގަދަ ފަރާތެއްގެ ދަށުނުވެ މިނިވަންކަމާއެކު." ޔާސިރު ޓްވީޓްގައި ލިޔުއްވާފައިވެ އެވެ.
Bills are drafted by various relevant authorities from government in which MDP consists of 40%. I doubt about any magnate manipulation in bills & I assure you that I am fully independent from any bigwig. Majlis is super MDP 💛, we will bring amendments based on citizen’s concerns
— Yasir Abdul Latheef (@YasirLathyf) February 16, 2020
އޭނާ ވިދާޅުވީ، މަޖިލިސް އޮތީ އެމްޑީޕޫގެ ސުޕަރ މެޖޯރިޓީގައި ކަމަށާއި ރައްޔިތުން ކަންބޮޑުވުންތައް އަޑުއަހައި ބަދަލުތައް ގެންނާނަން ކަމަށެވެ.
އިކޮނޮމިކް މިނިސްޓްރީން ވަޒީފާއާ ބެހޭ ގާނޫނަށް އިސްލާހު ގެނައުމަށް އެކުލަވައިލި ބިލުގައި ވަޒީފާގައި އުޅުއްވާ ފަރާތްތަކުގެ ގިނަ ހައްގުތަކެއް ގެއްލޭކަމަށް ބުނެ ގިނަ ބަޔަކު ދަނީ ސޯޝަލް މީޑިއާގައި ހިތްހަމަނުޖެހުންފާޅުކޮށް އެމްޑީޕީއަށް ފާޑުކިޔަމުންނެވެ.
