2020 ވަނަ އަހަރަށް ހޯރަފުށީ ކައުންސިލަށް ލިބިފައިވާ ބަޖެޓުން މަސައްކަތްތެރިން ކުރިއަރުވާ، ކުދި ވިޔަފާރިއާ މެދު ފަންތީގެ ވިޔަފާރި ކުރިއެރުވުމަށް ލޯން ދޫކުރުމަށް އެރަށު ކައުންސިލުން ނިންމާ ލޯނަށް އެދި ހުށަހެޅުމަށް ހުޅުވާލާފިއެވެ.
ރައްޔިތުންނަށް މަންފާ ލިބޭނެ ފަދަ ގޮތަކަށް ހޯރަފުށީގެ ޓްރަސްޓް ފަންޑު މާލިއްޔަތު ދިރުވާ އާލާކުރުމަށާ ހޯރަފުށީގެ ރައްޔިތުންގެ ދިރިއުޅުމުގެ ހާލަތު ރަނގަޅު ކުރުމަށާ އަދި ރައްޔިތުންގެ ޓްރަސްޓް ފަންޑު އިތުރަށް މުއްސަނދި ކުރުމުގެ މަގުސަދުގައި ދޫކުރަން ނިންމި މިލޯނަށް އެދުމުގެ ފުރުސަތު 9 މާރިޗުން ފެށިގެން 1 މަސް ދުވަހުގެ މުއްދަތަށް ވަނީ ހުޅުވާލާފައެވެ.
ލޯނުގެ ގޮތުގައި އެންމެ ބޮޑު އަދަދަކަށް -/50000 ރުފިޔާ ދޫކުރުމަށް ނިންމާފައިވާއިރު، އެންމެ ކުޑަ އަދަދަކަށް ދޫކުރުމަށް ހަމަޖެހިފައިވަނީ -/25000 ރުފިޔާއެވެ. މި ލޯނު ދޫކުރެވޭނީ، އާމްދަނީ ހޯދުމަށް އަމިއްލަ މަސައްކަތްތައް ފެށުމާ އެފަދަ މަސައްކަތް ކުރިއެރުވުމަށާ ކުދި އަދި މެދު ފަންތީގެ ވިޔަފާރިތައް ފެށުމަށް ދެވޭ އެހީތެރިކަމެއްގެ ގޮތުގައި ކަމުގައި އެކައުންސިލުން ކޮށްފައިވާ އިއުލާނުގައި ބަޔާންކޮށްފައިވެއެވެ.
އޭގެ އިތުރުން، މި ލޯނަށް އެދޭއިރު ރަޙްނު ބަހައްޓަން ނުޖެހޭކަމަށާ، 2 އަހަރު ދުވަހުގެ މުއްދަތުގައި ލޯނުގެ އަގު އަދާކުރަންޖެހޭ ކަމަށްވެސް އެ އިއުލާނުގައި ބަޔާންކޮށްފައިވެއެވެ.
ފިއްލަދޫ ލޯކަލް އޮތޯރިޓީ ކުންފުނީގެ ޑިރެކްޓަރުންގެ ބޯޑަށް ކުރިމަތިލުމުގެ ހުޅުވާލައިފި
ތަޖުރިބާކާރު ކަރުންމަތީގެ ޑޮކްޓަރު މައުރޫފް ކުޅުދުއްފުށީ ހާޖީ މެޑިކަލް ކުލިނިކަށް
ހޮސްޕިޓާ ޓާޝަރީ ފެންވަރަށް ގެންނަން 18 މަސް ދުވަހުގެ ޓައިމްލައިނެއް ވަނީ ހަދާފައި
ށ އަތޮޅުގައި ސަޤާފީ ކުޅިވަރު ދަސްކޮށްދިނުމުގެ ޕްރޮގުރާމެއް ހިންގާނެ ބަޔަކު ހޯދަނީ
