ދިރާގު ކަސްޓަމަރުންނަށް އިންޓަނެޓަށް ހިލޭ އެލަވަންސް ދެނީ

ކޮވިޑް-19 އާއި ގުޅިގެން ދިރާގުން ފިކްސްޑް ބްރޯޑްބޭންޑް ކަސްތަމަރުންނަށް 30 ޕަސެންޓް ހިލޭ އިތުރު އެލަވަންސް ދިނުމަށް އެ ކުންފުނިން ނިންމައިފި އެވެ.

ދިރާގުން ހިލޭ އިތުރު އެލަވަންސް ފޯރުކޮށްދޭން ނިންމާފައިވަނީ މި މަހާއި އޭޕްރީލް މަހު އެވެ.

ދިރާގުން ބުނީ މިއީ ކޮވިޑް-19އާ ގުޅިގެން ސްކޫލްތަކާއި ކޮލެޖުތައް ބަންދުކޮށް ގިނަ ބަޔަކު ގޭގައި ހުންނަން ޖެހުމުގެ ސަބަބުން ކަސްޓަމަރުންނަށް ލުއިފަސޭހަ ކޮށްދިނުމުގެ ގޮތުން ދިރާގުން ނިންމި ނިންމުމެއް ކަމުގަ އެވެ.

މީގެ އިތުރުން ދިރާގުގެ މޮބައިލް ކަސްޓަމަރުންނާއި ވިޔަފާރި ކަސްޓަމަރުންނަށް ވެސް އިތުރު ލުއިފަސޭހަތަކެއް ފޯރުކޮށްދިނުމަށް ދިރާގުން ވަނީ ނިންމާފަ އެވެ. އެ ލުއިތަކުގެ ތަފްސީލް ވަރަށް އަވަހަށް ހިއްސާކުރާނެ ކަމަށް ދިރާގުން ބުނެ އެވެ.