މޯލްޑިވިއަންގެ ކާގޯ ފްލައިޓްތަކުގައި ތަރުކާރީއާއި މޭވާ ރާއްޖެއަށް ގެނެސްފި

ގައުމީ އެއާލައިން، މޯލްޑިވިއަންގެ ކާގޯ ފުލައިޓްތަކުގައި ދުބާއީން ގިނަ އަދަދެއްގެ ތަރުކާރީއާއި މޭވާ ރާއްޖެ ގެނެސްފި އެވެ.

މޯލްޑިވިއަންގެ ކާގޯ ފުަލއިޓްތަކުގައި ދުބާއިން ގެނައި 6 ޓަނުގެ މުދަލުގެ ތެރެއިން މައިގަނޑު ގޮތެއްގައި ގެނެސްފައިވަނީ ތަރުކާރީއާއި މޭވާ އެވެ. ކާގޯ ފުލައިޓްތަކުގެ ދަތުރުތައް ފުރަތަމަކޮށްފައި ވަނީ ސްރީލަންކާއަށެވެ. އެ ދަތުރުގައިވެސް ހިމެނެނީ ތަރުކާރީ އާއި މޭވާގެ ބައިވަތް ތަކާއި ސިއްހީ ބައެއް ސާމާނެވެ.

މޯލްޑިވިއަންގެ ފްލައިޓުތަކުގައި ރާއްޖެއިން ބޭރުން މުދާ ގެންނަން ބޭނުންވާ ވިޔަފާރިވެރިންނަށް އެކުންފުނިން ވަނީ އެފުރުސަތު ޅުވާލާފައެވެ. މި ފުލައިޓްތައް ދަތުރު ކުރުމަށް ހަމަޖެހިފައިވަނީ ކޮލޮމްބޯ، ޓްރިވެންޑްރަމް، ޗެންނާއިގެ އިތުރުން ބެންކޮކް އަދި ދުބާއީ އެވެ.

ވިޔަފާރިވެރިންނަށް ފަސޭހަކޮށްދިނުމުގެ ގޮތުން މޯލްޑިވިއަނުން މި ބާއްވާ ޗާޓަރ ކާގޯ ދަތުރުތަކަށް އޮންނަ ޑިމާންޑަށް ބެލުމަށްފަހު އިތުރު މަންޒިލްތަކަށްވެސް ދަތުރުތައް ކުރުމަށް ނިންމާފައިވާކަމަށް މޯލްޑިވިއަނުން ބުނެއެވެ.


މުދާ އުފުލުމަށް ޗާޓަރ ދަތުރުތައް ކުރުމަށް މޯލްޑިވިއަނުން ނިންމާފައި މިވަނީ ދުނިޔޭގައި ހަލުވި ކަމާއި އެކު ކޯވިޑް-19 ފެތުރެމުންދާތީ ގިނަ އެއަރލައިންތައް ހުއްޓުމަކަށް އައިސްފައިވާ ދަނޑިވަޅެއްގައެވެ.