ގައުމީ އެއާލައިން މޯލްޑިވިއަން އާއި އިކޮނޮމިކް މިނިސްޓްރީ ގުޅިގެން ކުރިއަށްގެންދާ އޮޕަރޭޝަނުގައި މިހާތަނަށް 700 ޓަނުގެ ކާގޯ ރާއްޖެ އެތެރެކޮށްފައިވާ ކަމަށް މޯލްޑިވިއަން އިން ބުނެފި އެވެ.
މޯލްޑިވިއްނުން ކާގޯ ފުލައިޓްތައް ފަށާފައިވަނީ ކޮވިޑް-19 އާ ގުޅިގެން ދުނިޔޭގެ ގިނަ އެއާލައިންތަކުގެ އުދުހުންތައް މެދުކަނޑާލަން ޖެހުމާއި ގުޅިގެން ރާއްޖޭއަށް ބޭނުންވާ ޒަރޫރީ ތަކެތީގެ ކަށަވަރުކަން ދެމެހެއްޓުމަށެވެ.
ޕީއެސްއެމް ނިއުސްގެ ރާއްޖެ މިއަދު ޕްރޮގްރާމްގައި ރޭ ވާހަކަދައްކަވަމުން މޯލްޑިވިއަންގެ ޑިރެކްޓަރ އޮފް ގައުންޑް އޮޕްރޭޝަންސް އަހުމަދު އިބްރާހިމް ވިދާޅުވީ 5 މަންޒިލަކަށް ކާގޯ ދަތުރުތައް ކުރަމުން ދާ ކަމަށާއި މޯލްޑިވިއަންގެ ކާގޯ ގެނެސްދޭ ރޭޓަކީ މާރކެޓުގައި ލިބޭނެ އެންމެ އަގުހެޔޮ ރޭޓުކަން އިބްރާހިމް ފާހަގަކުރެއްވިއެވެ.
އިންޑިއާގެ ޓްރެވިންޑްރަމް އަދި ޗެންނާއީ، ދުބާއީ، ބެންކޮކްގެ އިތުރުން ކޮލަމްބޯ އިން މާލެއަށް ގަވައިދުން ކާގޯ ފްލައިޓުތައް އޮޕަރޭޓު ކުރަމުންދާ ކަމަށް އޭނާ ވިދާޅުވި އެވެ.
ބޭހާއި ޒަރޫރީ ކާބޯތަކެތީގެ އިތުރުން ކޮވިޑް-19 އާ ގުޅިގެން ރާއްޖެއަށް ބޭނުންވާ ބައެއް މެޑިކަލް އިކުއިޕްމެންޓު އެތެރެކުރުމަށް ވެސް މޯލްޑިވިއަން އިން ވަނީ ޗާޓާޑު ދަތުރުތައް ކޮށްފަ އެވެ. އެގޮތުން މޯލްޑިއަން ކާގޯއިން ޗައިނާއަށްވެސް 3 ދަތުރުކޮށްފައިވާ ކަމަށް އިބްރާހިމް ވިދާޅުވިއެވެ.
ކޮވިޑަށް ފަރުވާދިނުމަށް ހުޅުމާލޭގައި ގާއިމް ކުރި ކޮވިޑް ވިލެޖަށް ބޭނުންވާ މެޑިކަލް އިކުއިޕްމެންޓު ގެނައުމަށްވެސް ޗާޓާރ ކާގޯ ދަތުރުތައް ކޮށްފައިވާނެ ކަމަށް އަހުމަދު އިބްރާހިމް ވިދާޅުވި އެވެ.
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
