ޓްރަންޕާ ދެކޮޅަށް ހިންގަމުން އައި ކިއުއަނޮން ގްރޫޕު ފޭސްބުކުން ރިމޫވްކޮށްލައިފި

ދެ ލައްކައެއްހާ މެންބަރުން ތިބި ކިއުއަނޮން ގްރޫޕު ފޭސްބުކުން ރިމޫވްކޮށްލައިފި އެވެ. ކިއުނަން ގްރޫޕަކީ އެމެރިކާގެ ރައީސް ޑޮނަލްޑް ޓްރަމްޕާއި އެމަނިކުފާނުގެ ސަޕޯޓަރުންނާއި ދެކޮޅަށް މަސައްކަތް ކުރަމުން އަންނަ ގްރޫޕެކެވެ.

ފޭސްބުކުގެ ސްޕޯކްޕާސަން ބުނީ އެ ގްރޫޕް ރިމޫވްކޮށްލަން ޖެހުނީ ގިނަ އަދަދެއްހެ ރިޕޯޓް އެ ގްރޫޕާއި ބެހޭގޮތުން އަންނަމުން ދާތީއާއި ފޭސްބުުކުގެ ޕޮލިސީއާއި ހިލާފު ފޯސްތައް ކުރަމުން އަންނާތީ ކަމަށެވެ.

އެގޮތުން ބުލީކުރުމާއި، އެތައް ބައެއްގެ އަނބުރަށް އަރާ، އެކި ކަހަލަ ރުޅިވެރިކަމުގެ ބަސްމަގު ބޭނުން ކޮށްގެން ވާހަކަ ދައްކާފައިވާ ޕޯސްޓުތައް އެ ގްރޫޕުން ފޭސްބުކުގައި އާންމުކޮށްފައިވާ ކަމަށް ފޭސްބުކުން ވަނީ ބުނެފައެވެ.

މިދިޔަ މަސްތެރޭ ޓިކްޓޮކުންނާއި ޓްވިޓާވެސް ވަނީ ކިއުނޮންނާއި މެދު ފިޔަވަޅުތަކެއް އަޅާފައެވެ. އެގޮތުން ޓްވިޓާއިން ކިއުއަނޮންގެ ނަމުގައި ހިންގަމުން އަންނަ ބައިވަރު އެކައުންޓުތައް ފުހެލާ އަދި އެމީހުން ބޭނުންގެ ލިންކު ތަށްވެސް ބްލޮކް ކޮށްލާނެ ކަމަށްބުނެފައެވެ. އަދި ޓިކްޓޮކުން ވަނީ ކިއުއަނޮންއިން ބޭނުންކުރާ ހޭޝްޓެގުތައް ފުހެލާފައެވެ.

އެހެންނަމަވެސް މި ނަމުގައި ހިންގާ އެތަށް ބައިވަރު ގްރޫޕްތައް އެކި އޮންލައިން ޕްލެޓް ފޯމްތަކުގައި ދަނީ ހިންގަމުންނެވެ. މިއީ 2017 ވަނަ އަހަރު އުފެދިގެން އައި ގްރޫޕެކެވެ.