ހަތް ސަރަހައްދެއްގައި ގާއިމްކުރި ކޮވިޑް ފެސިލިޓީތަކުގައި މެޑިކަލް އިކުއިޕްމެންޓް އިންސްޓޯލްކޮށްފި

ކޮވިޑް-19 އަށް ފަރުވާދިނުމަށް ރާއްޖޭގެ ހަތް ސަރަހައްދެއްގައި ގާއިމްކޮށްފައިވާ ކޮވިޑް ފެސިލިޓީތަކުގައި މެޑިކަލް އިކުއިޕްމަންޓްތައް އިންސްޓޯލްކޮށް ނިމިފައިވާ ކަމަށް އެސްޓީއޯއިން ބުނެފި އެވެ.

މިކަން ހާމަކޮށް އެސްޓީއޯއިން ކުރި ޓުވީޓްގައި ބުނީ މިމަޝްރޫއުގެ ދަށުން ހއ.އިހަވަންދޫއާއި، ށ.ފުނަދޫއާއި، ބ،އޭދަފުއްޓާއި، ލ.ގަމާއި، ގއ.އަތޮޅާއި، ފުވައްމުލަކާއި، އައްޑޫސިޓީގައި އިކުއިޕްމަންޓް އިންސްޓޯލްކޮށް ނިމިފައިވާ ކަމަށެވެ.

STO has installed medical equipment at the following regional covid19 facilities.
S. Hithadhoo Regional Hospital
GN. Fuvahmulah Atoll Hospital
Ga. Atoll Hospital
L. Gan Regional Hospital
B. Eydhafushi Atoll Hospital
Sh. Funadhoo Atoll Hospital
Ha. Ihavandhoo Health Center pic.twitter.com/u4dE2z5glp

— STO Plc (@stoplc) August 10, 2020

މާލޭގެ އިތުރުން ރާއްޖޭގެ ހަތް ސަރަހައްދެއްގައި މިހާރު ކޮވިޑަށް ފަރުވާދެވޭނެ އިންތިޒާމުވަނީ ހަމަޖައްސާފައެވެ.

މާލެއިން ހޯމް ކަރަންޓީނަށާއި އަތޮޅު ތެރެއާއި މާލެއާ ދެމެދު ދުއްވާ މުދާ އުފުލާ ބޯޓްތަކުގެ ފަޅުވެރިން ޕޮޒިޓިވްވުމާއި ގުޅިގެން އަތޮޅު ތެރޭގައިވެސް ވަނީ މިހާރު ބަލި ފެތުރިފަ އެވެ.

މާލޭގެ އިތުރުން ހއ. އިހަވަންދޫ، ހއ. ކެލާ، ހއ. ފިއްލަދޫ، ހދ. ނައިވައިދޫ، ރ. ހުޅުދުއްފާރު، ބ. ކަމަދޫ، ބ. ކުޑަރިކިލު، ޅ. ހިންނަވަރު، ކ. މާފުށި، ވ. ފުލިދޫ، ފުވައްމުލަށް އަދި އައްޑޫ ހިތަދޫން ވަނީ ޕޮޒިޓިވް މީހުން ފެނިފަ އެވެ.