އަޔޯންގެ ފިހާރައެއް ކުޅުދުއްފުށީގައި ހުޅުވައިފި

ޕަވަރ އިންޖިނިއަރިނުންގެ ހަތަރު ވަނަ ހާޑްވެއަރ ފިހާރަ ކުޅުދުއްފުށި ސިޓީގައި ހުޅުވައިފި އެވެ. މިއީ މާލެ ސަރަހައްދުން ބޭރުގައި އެ ފަރާތުން ހުޅުވި ފުރަތަމަ ފިހާރަ އެވެ.

"އަޔޯން"ގެ ހަތަރު ވަނަ ފިހާރަ ކުޅުދުއްފުށި ސިޓީގައި ހުޅުވީ މިދިޔަ ހޯމަ ދުވަހު އެވެ. އެފަރާތުން ބުނީ ފިހާރައިން ހާޑްވެއަރ ޓޫލްސްއަށް ބޭނުންވާ ހުރިހާ ސާމާނެއް ލިބެން ހުންނާނެ ކަމަށެވެ. މިފިހާރަ ހުންނަނީ އަމީނީމަގު، ހަސާނަތު މިސްކިތް ކުރިމަތީގައި އެވެ.

"ޓޮލްސެން" ބުރޭންޑަށް ހާއްސަ މި ހާޑްވެއަރ ފިހާރައިން ތަފާތު ގިނަ ޓޫލްސް އާއި ޕަވަރ ޓޫލްސްގެ އިތުރުން މަސައްކަތުގެ ދާއިރާގެ ގިނަ ސާމާނު ލިބެން އެބަހުއްޓެވެ.

އެގޮތުން ދަނޑުވެރިކަމުގައި ބޭނުންކުރާ ބައެއް ސާމާނާއި ގެދޮރު އިމާރާތްކުރަން ބޭނުންވާ ޓޫލްސްގެ އިތުރުން ޖަނަރޭޓަރާއި ސްޓޭންޑް ބުރުމާ ފަދަ ގިނަ ސާމާނެއް ލިބެން އެބަހުއްޓެވެ. މިފިހާރަ ހުންނަނީ އަމީނީމަގު، ހަސާނަތު މިސްކިތް ކުރިމަތީގައި އެވެ.