ބާރު ސްޕީޑްގައި ދުއްވި ކާރަކުން ޖެހި ހަރަމްފުޅު ގޭޓަކަށް ގެއްލުންވެއްޖެ

ބާރު ސުޕީޑްގައި ދުއްވި ކާރެއް މަސްޖިދުލް ހަރަމްއަށް ވަންނަ ދޮރާށިކޮޅެއްގައި ޖައްސައި ގެއްލުން ދީފި އެވެ. މި ހާދިސާގައި ކާރު ދުއްވަން އިން މީހާވަނީ ހައްޔަރުކޮށްފަ އެވެ.

ސައޫދީ ގަޑިން ރޭ 10:30 ހާއިރު ހަރަމްފުޅު ސަރަހައްދަށް ކާރު ވަދެގެން ގޮސް ގޭޓުގައި ޖެހުނު ހާދިސާގައި ހައްޔަރުކޮށްފައިވަނީ ސައޫދީ މީހެކެވެ. މިއީ އޭނާ ގަސްތުގައި ކުރި ކަމެއްކަން ނުވަތަ އެކްސިޑެންޓެއް ކަމެއް އަދި ނޭނގެ އެވެ.

“The car swerved while moving at a high speed on one of the roads surrounding the southern courtyard of the Grand Mosque. Thankfully, no one was injured,”

“The driver was arrested.He is a Saudi national and was in an unnatural state. He was referred to the public prosecution.” pic.twitter.com/XLPXbBH6Ap

— 𝗛𝗮𝗿𝗮𝗺𝗮𝗶𝗻 (@HaramainInfo) October 31, 2020

ކާރު ވަދެގެން ދިޔަ މަގުގައި ހުރި ޕްލާސްޓިކް ފެންސްތައް ވަނީ ފަޅާލައިފަ އެވެ. ފެންސްތައް ފަހަނަޅައި ގޮސް ކާރު ޖެހުނީ ހަރަމްފުޅަން ވަންނަން ހުންނަ ބޮޑެތި ގޭޓްތަކުގެ ތެރެއިން ގޭޓް ނަންބަރު 89 ގަ އެވެ. ކާރުން ޖެހުމުން ފެންސްތަކާއި ގޭޓް ހަލާކުވި ނަމަވެސް ހަރަމްފުޅަށް ގޮސް ތިބި މީހަކަށް އެއްވެސް އަނިޔާއެއް ވެފައި ނުވާ ކަމަށް ސައޫދީ ގެޒެޓުން ރިޕޯޓްކޮށްފައިވެ އެވެ.

A video was circulating earlier of an incident at Masjid Al Haram where a car drove through barriers.

Security Officials immediately responded to the incident to ensure all worshippers were safe from harm.

May Allah protect the Two Holy Mosques and the Guests of Allah pic.twitter.com/BqTfPLmfDK

— 𝗛𝗮𝗿𝗮𝗺𝗮𝗶𝗻 (@HaramainInfo) October 30, 2020

ކޮވިޑް-19 އާއި ގުޅިގެން ހަރަމްފުޅު ބަންދު ކުރުމަށް ފަހު ހުޅުވާލީ މިދިއަ މަހު އެވެ. ނަމަވެސް ކުރިން އޮންނަ އުސޫލާ އެއްގޮތަށް އެއްފަހަރާ ގިނަ ބަޔަކަށް އެތަނަށް ވަނުމުގެ އަދި ނުދެއެވެ. މަސްޖިލް ހަރަމްގެ ބޭރުގައި ނަމާދު ކުރަން އޮންނަ ސަރަހައްދަށް ވެސް ވެހިކަލް ވަނުމަކީ މަނާ ކަމެކެވެ.