އާ ޕޮއިންޓްގެ އިތުރު ފިހާރައެއް، ބްރަދާސް މާރޓް

އާޕޮއިންޓްގެ އިތުރު ފިހާރައެއް ކުޅުދުއްފުށީގައި ހުޅުވައިފި އެވެ. ބްރަދާސް މާރޓްގެ ނަމުގައި ހުޅުވި މި ފިހާރަ ހުޅުވާފައިވަނީ ރޭގަ އެވެ.

މިނީ މާރޓެއްގެ ގޮތަށް ހުޅުވި މި ފިހާރައަކީ އާޕޮއިންޓްގެ ހަތަރު ވަނަ ފިހާރަ އެވެ. މި ފިހާރައިން ގޭތެރޭގައި ބޭނުންކުރާ އާންމު ގިނަ ސާމާނު ލިބެން އެބަހުއްޓެވެ. އެގޮތުން މޭވާ އާއި ތަރުކާރީގެ އިތުރުން ތަފާތު އެކި ބާވަތްތަކުގެ ދަޅުކާނާ އާއި އެހެނިހެން ގިނަ ސާމާނު އެބަހުއްޓެވެ.

އެ ފިހާރާގެ އެއް އޯނަރު އަހުމަދު ސައުދު ކޭއޯއަށް ވިދާޅުވީ، ކުރިއަށް އޮތްތަނުގައި އެ ފިހާރަ އަދި އިތުރަށް ފުޅާކުރެވޭނެ ކަމަށެވެ. ލޮކްޑައުންނާ ހެދި މުދާ ގެނައުމުގައި އުނދަގޫކަމެއް ހުރިކަން ފާހަގަކުރައްވަމުން އޭނާ ވިދާޅުވީ، ކުރިއަށް އޮތްތަނުގައި މުދާ ގެނައުމަށް ހަމަޖެހިފައިވަނީ ބޭރުން ކަމަށެވެ.

އާ ޕޮއިންޓްގެ ވިޔަފާރިތަކަކީ ކުޅުދުއްފުށީގައި ފުޅާ ދާއިރާއެއްގައި ވިޔަފާރިކުރަމުންދާ ބަޔެކެވެ. މިހާރުވެސް އެތަނުގެ ހޯލް ސޭލް ފިހާރަޔަކާއި ހާޑްވެއަރ އަދި ފަރުނީޗަރުން ވިއްކާ ފިހާރައެއް ހުރެ އެވެ. އަލަށް ހުޅުވި އާ ޕޮއިންޓްގެ ބްރަދާސް މާރޓް ހުންނަނީ ބަނޑާރަމަގު، ކަނބުރުގޭގަ އެވެ.