އެވިޑް ކޮލެޖުން 30 ދަރިވަރަށް ސްކޮލަޝިޕް ދީފި

އެވިޑް ކޮލެޖުން 2019 ވަނަ އަހަރުން ފެށިގެން ދެމުން އަންނަ ނައިބު ރަޝާދު ސްކޮލަޝިޕް މިއަހަރުވެސް އެ ކޮލެޖުން ދީފިއެވެ.

މިއަހަރު ސްކޮލަޝިޕް 30 ދަރިވަރުންނަށް ދީފައިވާއިރު އޭގެތެރެއިން 10 ސްކޮލަޝިޕް ދީފައިވަނީ މާލޭ ކެމްޕަހުގެ ދަރިވަރުންނަށެވެ. އަދި 20 ސްކޮލަޝިޕް ދީފައިވަނީ ތިނަދޫ ކެމްޕަހުގެ ދަރިވަރުންނަށެވެ.

ސްކޮލަޝިޕް ހަވާލުކުރުމަށް ބޭއްވި ރަސްމިއްޔާތުގައި އެ ކޮލެޖުގެ ޗެއާރމަން އަބްދުﷲ މުސްތާގް ރަޝާދު ވަނީ ހުރިހާ ދަރިވަރުންނަކީވެސް އަހުލާގީގޮތުން ރަނގަޅު ބަޔަކަށް ވުމަށް ނަސޭހަތްތެރި ވެފައެވެ.

މި ސްކޮލަޝިޕް ނަން ދެވިފައިވަނީ ޗެއާމަންގެ ބައްޕާފުޅުގެ ނަމާ ގުޅުވައިގެންނެވެ.