ކުޅުުދުއްފުށީގައި ހުންނަ އޭޑީކޭ ފާމަސީން އާސަންދައިގެ ހިދުމަތް ދޭން ފަށައިފި

ކުޅުދުއްފުށީގައި ހުންނަ އޭޑީކޭ ފާމަސީ 20 އިން އާސަންދައިގެ ހިދުމަތް މިއަދު ދޭންފަށައިފި އެވެ. އޭޑީކޭ ފާމަސީ ކުޅުދުއްފުށީގައި ހުޅުވާފައިވަނީ މިދިޔަ އަހަރު ޑިސެމްބަރު 1 ވަނަ ދުވަހުއެވެ.

އޭޑީކޭއިން ބުނީ ހުރިހާ ވައްްތަރެއްގެ ބޭހެއް އެ ފާމަސީން ލިބެން ހުންނާނެ ކަމަށާއި އަދި ބޭސް ސިޓީއަށްވެސް ބޭސް ލިބޭނެކަމަށެވެ. އެ ފާމަސީން އާސަންދައިގެ ހިދުމަތް ލިބެން ފެށުމުން ކަސްޓަމަރުންނަށް ލުއި ފަސޭހަތަކެއް ލިބިގެން ދާނެ ކަމަށް އޭޑީކޭއިން މައުލޫމާތު ދެއެވެ.

ކުޅުދުއްފުށީގައި އޭޑީކޭ ނޯދާރން ޑިސްޓްރިބިއުޝަން ސެންޓަރު ހުޅުވާފައިވަނީ 2013 ވަނަ އަހަރުއެވެ. ފާމަސީއާ ޑިސްޓްރިބިއުޝަން ސެންޓަރު ހުންނަނީ ކުޅުދުއްފުށީ ބަންޑާރަ މަގުގައެވެ. އެ ސެންޓަރުގެ އާ އިމާރާތްތެއް އަޅަން ނިންމާފައިވާއިރު ހަތަރު ބުރިއަށް ހަދައި މި އިމާރާތްވެސް އަޅަނީ ބަންޑާރަމަގު ހޮސްޕިޓަލް ކައިރީގައި އެވެ.