ކަސްޓަމްސްގެ ގިނަ އަދަދެއްގެ މުވައްޒަފުން ވެކްސިން ޖަހައިިފި

ކޮވިޑް-19 ގެ ބަލިމަޑުކަމުން ރައްކާތެރިވުމަށް މޯލްޑިވްސް ކަސްޓަމްސްގެ ގިނަ އަދަދެއްގެ މުވައްޒަފުން ވެކްސިންގެ ފުރަތަމަ ޑޯޒް ޖަހައިފި އެވެ.

ސަރުކާރުން ފަށާފައިވާ "ކޯވިޑް-19 ދިފާއު" ކެމްޕޭނުގެ ދަށުން މިހާތަނަށް އެ މުއައްސަސާގެ 74 ޕަސަންްޓް މުވައްޒަފުން "ކޮވިޝީލްޑް" ވެކްސިން ޖަހާފައިވެއެވެ.

ކަސްޓަމްސް އިން މިއަދު ބުނީ ވެކްސިންގެ ފުރަތަމަ ޑޯޒް ފުރިހަމަކޮށްފައިވާ މުވައްޒަފުންގެ ތެރޭގައި ވެލާނާ އިންޓަރނޭޝަނަލް އެއާޕޯޓްގައި މަސައްކަތްކުރާ މުވައްޒަފުންނާއި މާލެ އަދި ހުޅުމާލެ ކަސްޓަމްސް އޮފީސްތަކުގައި މަސައްކަތްކުރާ މުވައްޒަފުންގެ އިތުރުން، އަތޮޅު ތެރޭގައި ގާއިމްކޮށްފައިވާ ރީޖަނަލް ކަސްޓަމްސް އޮފީސްތަކުގައި މަސައްކަތްކުރާ މުވައްޒަފުންވެސް ހިމެނޭ ކަމަށެވެ.

ކަސްޓަމްސްއިން ބުނީ، އިތުރު މުވައްޒަފުންނަށް ވެކްސިން ދިނުމުގެ މަސައްކަތް މިހާރުވެސް ކުރިއަށްދާ ކަމަށެވެ. ރާއްޖޭގައި މިހާތަނަށް އެއްލަކަ އަށްވުރެ ގިނަ މީހުން ވަނީ ވެކްސިން ޖަހާފަ އެވެ.