މިދިޔަ އޭޕްރީލް މަހުގެ 28 ވަނަ ދުވަހު ރައްޔިތުންގެ މަޖިލީހުން ފާސްކުރި މަތީ ތައުލީމާ ބެހޭ ބިލު ރައީސް އިބްރާހިމް މުހައްމަދު ސޯލިހު މިއަދު ތަސްދީގު ކުރައްވައިފި އެވެ.
އެ ބިލު ތަސްދީގުކޮށް ސަރުކާރުގެ ގެޒެޓުގައި ޝާއިއުކުރުމާއެކު ގާނޫނަށް އަމަލު ކުރަން ފަށާފައިވަނީ އިއްޔެއިން ފެށިގެންނެވެ.
ގާނޫނުގެ މައިގަނޑު މަގުސަދަކީ ހަމަހަމަކަމާ އެކު ދިވެހި އެންމެހައި ރައްޔިތުންނަށް ފުރުސަތު ހުޅުވާލެވިފައިވާ، މަތީ ތައުލީމާއި ތަމްރީނު ދިނުމުގެ ނިޒާމެއް ގާއިމުކުރުމާއި ރާއްޖޭގައި ފޯރުކޮށްދެވޭ މަތީ ތައުލީމާއި ތަމްރީނުގެ ހިދުމަތްތަކަކީ ފެންވަރު ރަނގަޅު ހިދުމަތްތަކަކަށް ހަދައި އެ ހިދުމަތްތަކަކީ ކަނޑައެޅޭ ވަކި މިންގަނޑެއްގައި، ދެމެހެއްޓެނިވި ގޮތެއްގައި ދެވޭ ހިދުމަތްތަކަކަށް ހެދުމެވެ.
އެ ގާނޫނަށް އަމަލުކުރަން ފެށުމާ އެކު، މަތީ ތައުލީމުގެ ފެންވަރު ކަށަވަރުކޮށް ވަޒަންކުރުމަށް ކުރަން ޖެހޭ އެންމެހައި މަސައްކަތްތައްކޮށް މަތީ ތަޢުލީމާއި ތަމްރީނުދޭ މަރުކަޒުތަކުން ދޫކުރާ ސަނަދުތަކުގެ ފެންވަރު ބެލުމުގެ މަސައްކަތްތައް ކުރުމަށްޓަކައި "މޯލްޑިވްސް ކޮލިފިކޭޝަންސް އޮތޯރިޓީ"ގެ ނަމުގައި ސަރުކާރުގެ ވަކި އިދާރާއެއް އުފެދޭނެކަމަށް ގާނޫނުގައި ބަޔާންކޮށްފައިވެ އެވެ.
އަދި ގާނޫނަށް އަމަލުކުރަން ފެށުމުގެ ކުރިން ހިނގަމުން އައި މޯލްޑިވްސް ކޮލިފިކޭޝަންސް އޮތޯރިޓީގެ މުވައްޒަފުން، އެ އިދާރާއަށް ބަދަލުވާނެ އެވެ. އުފެއްދި އޮތޯރިޓީގެ ކަންކަމުގައި ރައްޔިތުންގެ މަޖިލީހަށް ޖަވާބުދާރީވާނީ މިނިސްޓަރު އޮފް ހަޔަ އެޑިއުކޭޝަންއެވެ.
ފުނަދޫގައި އައިޑީކާޑު ޕްރިންޓްކުރުމުގެ ހިދުމަތް ފަށައިފި
ފިއްލަދޫ ލޯކަލް އޮތޯރިޓީ ކުންފުނީގެ ޑިރެކްޓަރުންގެ ބޯޑަށް ކުރިމަތިލުމުގެ ހުޅުވާލައިފި
ތަޖުރިބާކާރު ކަރުންމަތީގެ ޑޮކްޓަރު މައުރޫފް ކުޅުދުއްފުށީ ހާޖީ މެޑިކަލް ކުލިނިކަށް
ހޮސްޕިޓާ ޓާޝަރީ ފެންވަރަށް ގެންނަން 18 މަސް ދުވަހުގެ ޓައިމްލައިނެއް ވަނީ ހަދާފައި
