އަލީ ރަމީޒް ގެ ޓްވިޓާ އެކައުންޓް ސަސްޕެންޑް ކޮށްފި

ދީނީ ކަންކަމަށް މީހުން ހޭލުންތެރި ކުރުވުމުގައި ހަރަކާތްތެރިވާ ސަލަފު ޖަމިއްޔާގެ މެމްބަރު އަލީ ރަމީޒްގެ ޓުވިޓާ އެކައުންޓް ރޭ ސަސްޕެންޑުކޮށްފި އެވެ.

ފޮލޯވަރުންގެ ގޮތުގައި 28000 ހަމަވެފައިވާ އަލީ ރަމީޒްގެ ޓްވިޓާ އެކައުންޓް ވަގުތީ ގޮތުން ސަސްޕެންޑް ކޮށްފި ކަމަށާއި، އެކައުންޓް އަލުން ހޯދަން ލިޔެފައިވާނެ ކަމަށް ސޯސަލް މީޑިއާގައި ވަނީ ހިއްސާކޮށްފައެވެ. އަދި ޓްވިޓާ އިން އެ ފިޔަވަޅު އެޅީ ކީއްވެގެން ކަން އެނގިފައި ނުވާ ކަމަށް ވެސް އޭނާ ބުންޏެވެ.

އޭނާގެ އެކައުންޓް މި ހުއްޓުވީ ރޭ މާލެ ކައިރި ކަނޑުގެ ސަރަހައްދުތަކުގައި އިޒުރޭލުން ފަލަސްތީނަށް ދެމުންދާ ހަމަލާތައް ކުށްވެރިކޮށް އަޑުއުފުލި ހަރަކާތުގެ ފޮޓޯތަކާއި ވީޑިއޯތައް ވެސް ޝެއާކުރި ފަހުންނެވެ. މީގެ އިތުރުން އަތޮޅު ތެރޭ ބައެއް ރަށްރަށުގައި ބޭއްވި އެއްވުންތަކުގެ ފޮޓޯތައް ވެސް ހިއްސާކުރި އެވެ.

އެކައުންޓް ކުއްލިގޮތަކައް ސަސްޕެންޑް ކުރުނީ ކޮން ސަބަބަކާހުރެ ކަމެއް އަދި އެނގިފައި ނުވާ ކަމަށް އަލީ ރަމީޒް ވަނީ ސިޝަލް މީޑިއާގައި ހިއްސާ ކޮށްފައެވެ.

މިދިޔަ ރޯދަ މަހުގެ ފަހު 10 އިން ފެށިގެން އިޒުރޭލުން ފަލަސްތީނަށް ދެމުން އަންނަ ހަމަލާތައް ކުށްވެރިކޮށް، އަލީ ރަމީޒް ވަނީ ސޯޝަލް މީޑިއާގެ ދެ ޕްލެޓްފޯމް ކަމަށްވާ ފޭސްބުކާއި ޓުވިޓާގައި ވެސް ވަރަށް ގިނަ ވާހަކަތައް ދައްކައިފަ އެވެ.