ސައްހަ ނޫން ޓްރާންސްފާ ސްލިޕްތަކަށް ސަމާލުވާން ބީއެމްއެލްއިން އެދެފި

ސައްހަ ނޫން ސްލިޕްތައް ފޮނުވައިގެން ވިޔަފާރިކުރާކަން ބައެއް ވިޔަފާރިތަކުން ބީއެމްއެލްގެ ސަމާލުކަމަށް ގެނެސްފައިވާ ކަމަށް އެ ބޭންކުން ބުނެފިއެވެ.

ބީއެމްއެލް އިން ވަނީ މި ދުވަސްވަރު އޮންލައިންކޮށް ވިޔަފާރިކުރުން އަނެއްކާވެސް އިތުރުވެފައި ވާތީ، ވިޔަފާރިކުރުމަށްފަހު ސައްހަނޫން ޓްރާންސްފާ ސްލިޕްތައް ފޮނުވާތީ ސަމާލުވުމަށް އެދިފައެވެ.

އެހެންކަމުން މިފަދަ ކަންކަމަށް ސަމާލުވެ، ފައިސާ ލިބުނުކަން ޔަގީން ކުރުމަށް އެ ބޭންކުން ވަނީ އެދިފަ އެވެ.

ސައްހަ ނޫން ޓްރާންސްފާ ސްލިޕްގެ މައްސަލަ އެންމެ ފުރަތަމަ ފެންމަތިވީ ކޮވިޑް-19 ރާއްޖެއިން ފެނުމާއި ގުޅިގެން ގިނަ ވިފަޔާރިތަކުން އޮންލައިންކޮށް ހިދުމަތް ދޭން ފެށުމާއި ގުޅިގެންނެވެ.

ބީއެމްއެލް އިން ވަނީ އެ ބޭންކުގެ ކަސްޓަމަރުންނަށް ރައްކާތެރިކަމާ އެކު ވިޔަފާރި ކުރުމަށް ޕީއޯއެސް އާއި މާޗަންޓް ޕޯޓަލްގެ އިތުރުުން ބީއެއެމްއެލް ގޭޓްވޭ ތައާރަފުކޮށްފަ އެވެ.