ރާއްޖޭގައި ކޮވިޑް-19 ޖެހިގެން ފަރުވާ ހޯދަމުން އަންނަ މީހުންގެ ތެރެއިން 10 މީހުންނަށް ފަރުވާދެމުން އަންނަނީ ވެންޓިލޭޓަރުގައި ކަމަށާއި އައިސީޔޫގައި 12 މީހަކަށް ފަރުވަދެމުން އަންނަ ކަމަށް އެމަރޖެންސީ އޮޕަރޭޝަން ސެންޓަރު (އެޗްއީއޯސީ)ން ބުނެފިއެވެ.
އޭގެތެރެއިން ދަރުމަވަންތަ ހޮސްޕިޓަލްގެ 11 ވަނަ ފަންގިފިލާގައި 9 މީހަކަށް ފަރުވާދެމުން އަންނައިރު އެތަނުގެ އައިސީޔޫގައި 3 މީހުންނަށް ފަރުވާދެމުން އަންނައިރު 6 މީހަކަށް ފަރުވާދެމުން އަންނަނީ ވެންޓިލޭޓަރުގައެވެ.
އެ ހޮސްޕިޓަލުގެ 17 ވަނަ ފަންގިފިލާގައި 7 މީހަކަށް ފަރުވާދެމުން އަންނައިރު 16 ވަނަ ފަންގިފިލާގައި 5 މީހަކަށް އަންނަނީ ފަރުވާދެމުންނެވެ.
ހުޅުމާލެ މެޑިކަލް ފެސިލިޓީގައި 160 މީހަކަށް ފަރުވާދެމުން އަންނައިރު އެތަނުގެ އައިސީޔުގައި 9 މީހުން އެބަތިބިއެވެ. އަދި ވެންޓިލޭޓަރުގައި 4 މީހަކަށް އަންނަނީ ފަރުވާދެމުންނެވެ. އަދި އައިޖީއެމްއެޗްގެ ހިޔަލަ ވިންގުގައި 7 ކުއްޖަކަށް އަންނަނީ ފަރުވާދެމުންނެވެ.
ރާއްޖޭގައި މިވަގުތު އެކްޓިވް ކޭސްތަކުގެ އަދަދު ވަނީ 24،000 ވުރެ މަތީގައެވެ. މެއި މަހަކީ ރާއްޖޭގައި ކޮވިޑްގެ ހާލަތު އެންމެ ގޯސްވި މަހެވެ. ކޮވިޑްގެ ހަތަރު ވަނަ ރާޅަކާ ކުރިމަތިލާފައިވާއިރު ހާހަކަށްވުރެ މަތިން ކޭސްތައް ރިޕޯޓްތައް ކުރަމުން އަންނަތާ ވަނީ ތިން ހަފްތާވެފައެވެ.
ހަނިގޯޅިތައް ހުރި ސަރަހައްދުތައް ތަރުތީބުކުރުމަށް ހަތަރު ގެއަކަށް ބިން ދީފި
ކުޅުދުއްފުއްޓާއި އައްޑޫގައި ސިނަމާ ކޮމްޕްލެކްސް ގާއިމުކުރުމުގެ މަސައްކަތް ވަރަށް އަވަހަށް ފެށޭނެ
ބިރުވެރި ހޮހޮޅައާއެކު ކުޅުދުއްފުށީގައި ބާއްވާ ބޮޑު ބާޒާރު ފަށައިފި
ބޯޒިޔާރާތް ބީޗް ތަރައްގީކޮށް ހުޅުވުން
