އޯލެވެލް ނިންމާފައިވާ ދަރިވަރުންނަށް މެޕްސް ކޮލެޖުން ހާއްސަ ޕްރޮގުރާމްތަކެއް

މިއަހަރު އޯލެވެލް ނުވަތަ ކެމްބްރިޖް އިމްތިހާނު ނިންމާފައިވާ ދަރިވަރުންނަށް މެޕްސް ކޮލެޖުގެ އޯގަސްޓް/ސެޕްޓެމްބަރ އިންޓޭކްގެ ބައެއް ކޯސްތަކުގައި ބައިވެރިވުމުގެ ފުރުސަތު އެ ކޮލެޖުން ހުޅުވާލައިފި އެވެ.

މެޕްސް ކޮލެޖުން ހިންގާ މެޕްސް އެޑްވާންސްޑް ސެޓްފިކެޓް ކޯސްތަކަކީ ކެމްބްރިޖް އިމްތިހާނަށްފަހު މަތީ ތައުލީމު ހޯދަން ބޭނުންވާ ދަރިވަރުންނަށް ކަޑައްތުކުރާނެ އެންމެ ފުރަތަމަ މަރުހަލާ އެވެ. މި މަރުހަލާ ނިންމާލުމުން ކޮންމެ ދަރިވަރަކަށްވެސް އެ ދަރިވަރަކު ބޭނުންވާ ދާއިރާއިން ބެޗްލަރސް ޑިގްރީ ކޯހުގައި ބައިވެރިވުމުގެ ފުރުސަތު ފަހިވެގެން ދާނެ ކަމުގައި މެޕްސް ކޮލެޖުން ބުނެ އެވެ.

އެ ކޮލެޖުން ހިންގާ އެންމެ ކާމިޔާބު އެއް ކޯހަކީ އަތޮޅުތަކުގައި ދިރިއުޅޭ ދަރިވަރުންނަށް ހާއްސަކޮށްގެން މުޅިން އޮންލައިން ކޮށް 8 މަސްދުވަހުގެ އެޑްވާންސް ސެޓްފިކެޓް އިން ބިޒްނަސް އެޑްމިނިސްޓްރޭޝަން ކޯސް ކަމަށްވެސް އެ ކޮލެޖުން ބުނެ އެވެ.

މި ކޯސް ފުރިހަމަކުރާ ދަރިވަރުންނަށް ވިޔަފާރިއާ ގުޅުންހުރި ކޮންމެ ޑިގްރީ ކޯހެއްގައިވެސް ބައިވެރިވުމުގެ ފުރުސަތު ހުޅުވިގެން ދާނެ ކަމަށެވެ. އެ ގޮތުން ބަޒްނަޒް އެޑްމިނިސްޓްރޭޝަންގެ އިތުރުން ހިއުމަން ރިސޯސް މެނޭޖްމަންޓް، މާކެޓިންގ މެނޭޖްމެންޓް، އެކައުންޓިން، ޓުރެވެލް އެންޑް ޓޫރިޒަމް، ޕްރޮޖެކްޓް މެނޭޖްމެންޓް އަދި ޕްރޮކިއުމަންޓް ލޮޖިސްޓިކް އެންޑް ސަޕްލައި ޗޭން މެނޭޖްމަންޓްގެ ޑިގްރީ ކޯސްތަކުގައި ކިއެވުމުގެ ފުރުސަތުވެސް ހުޅުވޭނެ ކަމަށް އެ ކޮލެޖުން ބުންޏެވެ.

މީގެ އިތުރުން ޑިގުރީ ކޯސް ފެށުމުގެ ކުރިން އެޑްވާންސްޑް ސެޓްފިކެޓް ކޯހުގެ އަލީގައި ޑިގުރީގެ މައިގަނޑު މާއްދާތަކަށް އަހުލުވެރިކުރުމުގެ ފުރުސަތު ލިބިގެންދިއުމަކީވެސް މިކޯސްތަކުން ވަރަށް ބޮޑު އެހީއަކަށް ވޭނެ ކަމަށެވެ.

މެޕްސް ކޮލެޖުން ހިންގާ ކޯސްތަކަކީ ސަރުކާރުން ހިންގާ ބެޗްލަސް ޑިގްރީ ގްރާންޓް ސްކީމްގެ ދަށުން ހިލޭ ކިޔެވޭނެ ކޯސްތަކެއް ކަމަށާއި އޮންލައިންކޮށް ކިޔަވާ ދަރިވަރުންނަށްވެސް މި ސްކީމްގެ ދަށުން ކިޔެވޭނެ ކަމަށެވެ.

ކޮވިޑާ ގުޅިގެން މެޕްސް ކޮލެޖުގެ ހުރިހާ ކޯހެއްވެސް ކުރިއަށްގެންދަނީ އޮންލައިންކޮށެވެ.

މެޕްސްގެ އެޑްވާންސްޑް ސެޓްފިކެޓް ކޯސްތަކަށް އެޕްލިކޭޝަން ފޯމް ހުށަހެޅުމުގެ ސުންގަޑިއަކީ 22 އޯގަސްޓް ގެ ނިޔަލަށެވެ. މި ކޯހުގައި ބައިވެރިވާން ބޭނުންވާ ދަރިވަރު އެ ކޮލެޖުގެ ވެބްސައިޓް މެދުވެރިކޮށް އެޕްލިކޭޝަން ހުށަހެޅުމުގެ ފުރުސަތުވަނީ ހުޅުވާލާފަ އެވެ.

މެޕްސް ކޮލެޖަކީ މަތީ ތައުލީމު އުނގަންނައިދިނުމުގައި 22 އަހަރު ވެފައިވާ ފެންވަރު ރަނގަޅު އެންމެ ޒަމާނީ ވަސީލަތްތައް ފޯރުކޮށްދޭ ކޮލެޖެކެވެ.