މެޕްސް ކޮލެޖްގެ ޖަނަވަރީ 2025 އިންޓޭކްގެ ކޯސްތަކަށް ކުރިމަތިލުމުގެ މުއްދަތު އިތުރުކޮށްފި

މެޕްސް ކޮލެޖްއިން ހިންގާ ސެޓްފިކެޓް ލެވެލްއިން ފެށިގެން ބެޗެލާސް ޑިގްރީގެ ކޯސްތަކުގެ ޖަނަވަރީ 2025 އިންޓޭކްއަށް ކުރިމަތިލުމުގެ ފުރުސަތު މި މަހުގެ 16 ވަނަ ދުވަހާ ހަމައަށް އިތުރުކޮށްފައި ވާކަމަށް މެޕްސް ކޮލެޖުން ބުނެފިއެވެ.

ޖަނަވަރީ 2025 އިންޓޭކްގައި ބައިވެރިވުމަށް ހުޅުވާލާފައިވާ ކޯސްތަކުގެ ތެރޭގައި، ބިޒްނަސް އެޑްމިނިސްޓްރޭޝަން، ހިއުމަން ރިސޯސް މެނޭޖްމަންޓް، މާރކެޓިންގ މެނޭޖްމަންޓް، ޓްރެވަލް އެންޑް ޓޫރިޒަމް، ޕްރޮޖެކްޓް މެނޭޖްމަންޓް އަދި ޕްރޮކިއުމަންޓް އެންޑް ލޮޖިސްޓިކްސް އެންޑް ސަޕްލައި ޗޭން މެނޭޖްމަންޓްގެ ކޯސްތައް ހިމެނެއެވެ.

މީގެއިތުރުން، މެޕްސްކޮލެޖް އިން ހިންގާ އިންޓަނޭޝަނަލް ކޯސްތަކުގެ ތެރެއިން އެސޯސިއޭޝަން އޮފް ޗަރޓަޑް ސަރޓިފައިޑް އެކައުންޓެންޓްސް (އޭ.ސީ.ސީ.އޭ) އަދި ބެޗެލަރ އޮފް އެކައުންޓިންގްގެ ކިޔެވުން މިހާރު ފެށިފައިވާއިރު މި ކޯސްތަކުގައި ދެން ބައިވެރިވެވޭނީ މި އަހަރުގެ ޖުލައި އިންޓޭކްގައެވެ.

ކުރިން ހަމަޖެހިފައިވާ ގޮތުން މި އަހަރުގެ ޖަނަވަރީ އިންޓޭކަށް ކުރިމަތިލުމުގެ އެންމެ ފަހު ތާރީހަކީ މި މަހުގެ 05 ވަނަ ދުވަހެވެ. ޖަނަވަރީ 2025 އިންޓޭކަށް ކުރިމަތިލުމުގެ މުއްދަތު އިތުރު ކުރުމުގެ އެންމެ ބޮޑު އެއް ބޭނުމަކީ، އެޕްލިކޭޝަން ހުށަހެޅުމުގެ މުއްދަތު ހަމަވިއިރު ވެސް ގިނަ ދަރިވަރުންތަކެއް ކޯސްތަކުގައި ބައިވެރިވުމަށް އެދި ފޯމު ހުށަހަޅަމުން އަންނާތީ ކަމަށާއި ވީހާވެސް ގިނަ ދަރިވަރުންނަށް ފުރުސަތު ދިނުމުގެ ގޮތުން ކަމަށް މެޕްސް ކޮލެޖުން ވަނީ ހާމަކޮށްފައެވެ.

އޭގެތެރޭގައި މިދިޔަ އަހަރު އޭލެވެލް އަދި އޯލެވެލް ނިންމި ގިނަ ދަރިވަރުންތަކެއް ހިމެނޭ ކަމަށް ވެސް މެޕްސް ކޮލެޖުން ވަނީ ބުނެފައެވެ.

މިދިޔަ އަހަރު އޭލެވެލް ނިންމި ދަރިވަރުންގެ ތެރެއިން މަތީ ތަޢުލީމު ކިޔެވުމަށް ޝައުގުވެރިވާ ކުދިންނަށް މެޕްސް ކޮލެޖުން ހިންގާ ބެޗެލަރސް ޑިގްރީގެ ކޯސްތަކަކީ އެންމެ އެކަށީގެންވާ ކޯސްތަކެވެ. އެގޮތުން އޭލެވެލްގެ 2 ފާސް ނުވަތަ އޭލެވެލްގެ ދިވެހި އަދި އިސްލާމް މާއްދާއިން "ސީ" ފާހަށްވުރެ މަތިން ފާސްވެފައިވާ ދަރިވަރުންނަށް މެޕްސް ކޮލެޖްގެ ބެޗެލަރސް ޑިގްރީގެ ކޮންމެ ކޯހެއްގައި ވެސް ބައިވެރި ވެވޭނެއެވެ. މީގެ އިތުރުން އޭލެވްލް ފާސް ނެތް ފަރާތްތަކަށް ލިބިފައިވާ ދެ އަހަރު ދުވަހުގެ މަސައްކަތުގެ ތަޖުރިބާއާ އެކު އޯލްޓަނޭޓިވް އެންޓްރީއެއްގެ ދަށުން ބެޗެލަސް ޑިގްރީގައި ކިޔެވުމުގެ ފުރުޞަތު ވެސް މެޕްސް ކޮލެޖުން ލިބިގެންދާނެއެވެ.

މެޕްސް ކޮލެޖުން ހިންގާ ބެޗެލަރސް ޑިގްރީގެ ހުރިހާ ކޯސްތަކަކީ ވެސް، ސަރުކާރުން ހިލޭ ޑިގްރީއަށް ކިޔަވައިދިނުމަށް ހުޅުވާލާފައިވާ "ބެޗެލަރސް ޑިގްރީ ގްރާންޓް ސްކީމް"ގެ ދަށުން ކިޔެވޭނެ ކޯސްތަކެވެ. ހަމައެއާއެކު މި ކޯސްތައް ބައްޓަން ކުރެވިފައި ވަނީ މަހުން މަހަށް ބަހާލައިގެން ކޯސް ފީ ދެއްކޭނެ އިންތިޒާމެއްގެ ދަށުންނެވެ.

މަތީ ތައުލީމު އާއްމުންނަށް ފޯރުކޮށްދިނުމުގެ ޚިދުމަތުގައި 25 އަހަރު ކަޑައްތުކޮށްފައިވާ މެޕްސް ކޮލެޖަކީ 2019 ވަނަ އަހަރުން ފެށިގެން ކާމިޔާބު ކަމާއެކު އޮންލައިންކޮށް ކިޔަވައިދިނުމުގެ ޚިދުމަތް ދަރިވަރުންނަށް ދެމުން އަންނަ ކޮލެޖެކެވެ. އަތޮޅުތެރޭގައި ދިރިއުޅޭ ދަރިވަރުންގެ އިތުރުން މާލެ ސަރަޙައްދުގައި ދިރިއުޅޭ ދަރިވަރުންނަށް ވެސް މެޕްސް ކޮލެޖުގެ ހިންގާ އެޑްވާންސްޑް ސެޓްފިކެޓް ލެވެލްއިން ފެށިގެން މާސްޓަސް ލެވެލްގެ ކޯސްތަކުގައި އޮންލައިންކޮށް ކިޔެވުމުގެ ފުރުސަތު މިހާރު ލިބޭނެއެވެ.

މި ކޯސްތަކާއި ބެހޭ އިތުރު މަޢުލޫމާތު މެޕްސް ކޮލެޖުގެ ވެބްސައިޓް www.maps.edu.mv އިން ހޯދާލެވޭނެއެވެ. އަދި ކޯސްތަކާއި ބެހޭ އިތުރު މަޢުލޫމާތު ކޮލެޖްގެ ނަމްބަރު 3314621 އަށް ގުޅާލުމުން ވެސް ފޯރުކޮށް ދެވޭނެއެވެ.