ތާޕްސީގެ "ބްލާރ" ގެ ޝޫޓިން ފަށައިފި

މީގެ ދެ ދުވަސްކުރިން ފަސްޓް ލުކް ދައްކާލާފައިވާ ތާޕްސީ ޕަންނޫ އަދި ގުލްޝަން ދެވައިހް ފެނިގެންދާނެ ބްލާރ ގެ ޝޫޓިން ފަށައިފި އެވެ.

ފިލްމާ ބެހޭ މާބޮޑު ތައާރަފެއް މިހާތަނަށް ދީފައިނުވާ މި ފިލްމުގެ ފަސްޓް ލުކްގައި ފެނިގެންދަނީ ތާޕްސީ ކަނުބަދެ މޫނުގައި އަތް އަޅާއިގެން އިންނަ މަންޒަރެވެ.

View this post on Instagram

A post shared by Taapsee Pannu (@taapsee)

މި ފިލްމުގައި ބަތަލާގެ ރޯލުގެ އިތުރުން ޕްރޮޑިއުސަރެއްގެ ގޮތުގައިވެސް ތާފްސީ މަސައްކަތް ކުރާނެ އެވެ. މިއީ ޕްރޮޑިއުސަރެއްގެ ގޮތުގައި އޭނާ މަސައްކަތްކުރާ ފުރަތަމަ ފިލްމެވެ.

ފިލްމު ޑައިރެކްޓް ކުރަން ހަމަޖެހިފައިވަނީ އަޖޭ ބެލް އެވެ. އަންނަ އަހަރު ރިލީޒްކުރަން ހަމަޖެހިފައިވާ މި ފިލްމަށް ސީދާ ވަކި ތާރީހެއް އަދި ދީފައެއް ނުވެއެވެ.