އެޗްއާރްސީއެމުން ވިޔަފާރިތަކަށް އަމާޒުކޮށްގެން ކުރިއަށްގެންދާ ޕްރޮގުރާމްގެ ދަށުން މައުލޫމާތުދިނުމުގެ ސެޝަނެއް ބާއްވަނީ

ހިއުމަން ރައިޓްސް ކޮމިޝަނުން ކުރިއަށް ގެންދާ "އިންޓަގްރޭޓެޑް ހިއުމަން ރައިޓްސް ޕްރޮގުރާމް" ގެ ދަށުން ކުޅުދުއްފުށީގެ ވިޔަފާރިވެރިންނަށް އަމާޒުކޮށްގެން ވިޔަފާރިއާއި އިންސާނީ ހައްގާއި ގުޅޭގޮތުން މައުލޫމާތުދިނުމުގެ ސެޝަނެއް ބާއްވަން ހަމަޖެހިފައިވާ ކަމަށް ކުޅުދުއްފުށީ ސިޓީ ކައުންސިލުން ނެރުނު އިއުލާނެއްގައި ބުނެއްޖެ އެވެ.

ސެޝަންގައި ބައިވެރިވާން ބޭނުންވާ ވިޔަފާރިވެރިން https://forms.gle/3aTj5L5zuLrJZYZ56 މި ލިންކު ބޭނުންކުރައްވައިގެން ނަންނޯޓު ކުރެވޭނެ ކަމަށް އެއިއުލާނުގައި ބަޔާންކޮށްފައިވެ އެވެ. އަދި ނަންނޯޓުކުރުމުގެ ސުންގަޑިއަކީ މި ސެޕްޓެމްބަރު މަހުގެ 5 ވަނަ ދުވަހުގެ 12 ގެ ކުރިން ކަމަށްވެސް އިއުލާނުގައިވެ އެވެ.

މިސެޝަން ކުރިއަށް ދާނީ 7 ސެޕްޓެމްބަރު ވަނަ ދުވަހުގެ ރޭގަނޑު 20:30 ން 22:00 އަށެވެ.