ޗެލްސީގެ މޮޅުވަމުން އައި ރެކޯޑް ސިޓީން ނިމުމަކަށް ގެނެސްފި

ޕްރިމިއާ ލީގުގައި ޗެލްސީން ހުރިހާ މެޗަކުން މޮޅުވެ ދަމަހައްޓަމުން އައި ރެކޯޑަށް މެންޗެސްޓަރ ސިޓީން ނިމުން ގެނުވާ 1 - 0 ން ޗެލްސީގެ މައްޗަށް ސިޓީން ކުރި ހޯދައިފި އެވެ.

މެޗު ފަށައިގެން ސިޓީން މެޗު ކޮންޓްރޯލްކޮށްގެން ކުޅުނު ނަމަވެސް ޗެލްސީ ގޯލަށް ނުރައްކާތެރި ހަމަލާތަކެއް ފޮނުވާލެވިފައިނުވާއިރު ޗެލްސީގެ ވާނާ އަށާއި ލުކާކޫއަށް ވަނީ ލަނޑުޖަހަން ފުރުސަތު ލިބި އެންމެ އެދެވޭ ގޮތުގައި އެފުރުސަތުތަކުގެ ބޭނުންހިފޭ ގޮތް ނުވެފަ އެވެ.

ސިޓީގެ ޑި ބްރޭނާ ޖެހި ބޯޅައެއް ހުރަސް ދަނޑިމަތިން ދިޔައިރު އެޓީމުގެ ފޯޑެންއަށް ވެސް ވަނީ ލަނޑުޖަހަން ފުރުސަތު ލިބި ބޭކާރުވެފަ އެވެ.

ގަބްރިއެލް ޖީސޫސް ޖެހި ގޯލުން ސިޓީން ލީޑޫނެގީ 52 ވަނަ މިނެޓުގަ އެވެ. މެޗުގައި ފެނިގެންދިޔަ ހަމައެކަނި ގޯލު ގަބްރިއެލް ޖީސޫސް ކާމިޔާބުކުރީ ކޯނަރަކުން އުފެދުން ހަމަލާއަކުންނެވެ. ނަމަވެސް މި ބޯޅަ ގޯލަށް ވަނީ ޖޯޖީނިއޯ ފައިގައި ޖެހިފަ އެވެ.

ސިޓީން ހޯދި މި މުހިއްމު މޮޅުގެ އިތުރުން މިމޮޅަކީ ސިޓީ ކޯޗެއްގެ ގޮތުގައި ޕެޕް ގާޑިއޯލާ ހޯދި 221 ވަނަ މޮޅެވެ. މިއީ އެކުލަބްގެ ރެކޯޑެކެވެ.