އުޅަނދަށް ނުވަތަ މީހަކަށް ލިބޭ ގެއްލުން ކުޑަކުރުމަށް އިންޝުއަރެންސް މުހިންމު، އެލައިޑުން ހެއްދޭނެ

ދިވެހިން އެކަންޏެއް ނޫނެވެ. ކޮންމެ ފަހަރަކުވެސް މިފަދަ ކަންކަމާ ވިސްނާލެވެނީ ވަގުތު ފާއިތުވާފަހުންނެވެ. ތިމާއަށް، ގެންގުޅޭ މުދަލަށް އަދި އެހެން މީހަކަށް ގެއްލުމެއް ވެދާނެ ހާދިސާއަކަށް ނުވަތަ ހާލަތަކަށް ކުރީބައިގައި ތައްޔާރު ވެވެނީ ކިތައްފަހަރު ހެއްޔެވެ. ރައްކާވެ ތިބިއްޔާ ދަތުރޭ ބުނާ ފަދައިން އެފަދަ ހާދިސާތަކުން ލިބޭ ގެއްލުން ވީހާވެސް ކުޑަކުރުމަށް އިންޝުރަންސް މެދުވެރިކޮށް ހޯދިދާނެ ފަސޭހަތައް އެބަހުއްޓެވެ.

މަގުމަތީގައި ހިނގާ ހާދިސާތަކުގެ ސަބަބުން އަމިއްލަ ހަށިގަނޑަށް އަދި ވެހިކަލަށް ލިބޭ ގެއްލުން ކުޑަކޮށް، ގެއްލުމުގެ ބަދަލު ހޯދުމަށް އިންޝުއަރަންސް ޕްލޭނެއް ނެގުމަކީ ވަރަށް މުހިންމު ކަމެކެވެ. އެގޮތުން އެއްގަމު އުޅަނދުފަހަރު އިންޝުއަރަންސް ކުރުމަށް އެލައިންޑުން އަންނަނީ މައިގަނޑުގޮތެއްގައި ދެ މޮޓޯ އިންޝުއަރަންސް ޕްލޭނެއް ފޯރުކޮށްދެމުންނެވެ. އެއީ "ކޮމްޕްރެހެންސިވް މޮޓޯ އިންޝުއަރަންސް" އަދި "ތާޑް ޕާޓީ މޮޓޯ އިންޝުއަރަންސް" އެވެ.

މަގުމަތީގައި އުޅަނދު ދުއްވާ އިރު ތިމާއާއި އެހެން މީހުންގެ ސަލާމަތާއި ރައްކާތެރިކަމަށް ސަމާލުވެގެން ދުއްވުމަށް ބާރުއެޅުމަށްޓަކައި ރާއްޖޭގައި އޮންނަނީ ދުއްވާ ކޮންމެ އުޅަނދެއްވެސް ތާޑް ޕާޓީ މޮޓޯ އިންޝުއަރަންސް ކަވަރޭޖެއް ނެގުމަށް ލާޒިމުކޮށްފައެވެ. މިއީ 50 ސީސީއިން ދަށުގެ ސައިކަލަކަށް ނަމަ އެންމެ -/125 ރުފިޔާ ދައްކާލައިގެން ލިބޭ އިންޝުއަރަންސެކެވެ. މި އިންޝުއަރަންސްއިން ހަމަ އެކަނި ކަވާ ކުރަނީ ތިމާގެ އިހުމާލުގެ ސަބަބުން ތިންވަނަ ފަރާތުގެ މުދަލަށާއި ހައްޓަށް ލިބޭ ގެއްލުންތަކެވެ.

ގާނޫނުން ލާޒިމް ނުކުރިޔަސް ކޮމްޕްރިހެންސިވް އިންޝުރެންސްއެއް މުހިއްމު

މަގުމަތީގައި ހިނގާ ހާދިސާތަކުގެ ސަބަބުން އަމިއްލަ ހަށިގަނޑަށާއި ވެހިކަލަށް ލިބޭ ގެއްލުމުގެ ބަދަލު ހޯދުމަށް އެލައިޑުގެ ކޮމްޕްރެހެންސިވް މޮޓޯ އިންޝުއަރަންސް ނެގުން މުހިއްމެވެ. ކޮމްޕްރެހެންސިވް މޮޓޯ އިންޝުއަރަންސްގައި ތިން ވަނަ ފަރާތަށް ލިބޭ ގެއްލުމުގެ އިތުރުން، ތިމާގެ ވެހިކަލަށް އެކި ގޮތްގޮތުން ލިބޭ ގެއްލުންތަކުގެ ބަދަލު ހޯދުމަށް މަގުފަހިކޮށްދޭ ކަވަރޭޖުތައް ހިމެނެއެވެ.

މީގެ އިތުރުން ތިމާގެ ސައިކަލު އެހެން ސައިކަލެއްގައި ޖެހި އެކްސިޑެންޓެއް ހިނގައިފި ނަމަ، ކޮމްޕްރެހެންސިވް ޕޮލިސީގެ ދަށުން ތިންވަނަ ފަރާތަށާއި ތިމާއަށްވެސް ލިބޭ ގެއްލުމުގެ ބަދަލު ހޯދޭނެއެވެ. އަދި އެކްސިޑެންޓެއް ހިނގުމުގެ ސަބަބުން އަމިއްލަ ހަށިގަނޑަށް ލިބޭ ގެއްލުން ނުވަތަ ޒަހަމުތަކާއި ދާއިމީ ނުކުޅެދުންތެރިކަން ފަދަ ކަންކަމަށް މި ޕޮލިސީން ބަދަލު ލިބޭނެއެވެ.

މިއީ މަގުމަތީގައި ދެ އުޅަނދު ޖެހިގެން ހިނގާ އެކްސިޑެންޓްތަކުގެ ބޭރުންވެސް އެކި ކަންކަމުން ލިބޭ ގެއްލުމުގެ ބަދަލު ފޯރުކޮށްދޭ ޕޮލިސީއެކެވެ.

އަލިފާނުގެ ހާދިސާއެއް ހިނގައިގެން ނުވަތަ އިމާރާތެއްގެ މަތިން އެއްޗެއް ވެއްޓިގެން އުޅަނދަށް ލިބޭ ގެއްލުންތަކުގެ ބަދަލު، ކޮމްޕްރެހެންސިވް މޮޓޯ އިންޝުއަރަންސްގެ ދަށުން ލިބޭނެއެވެ. މީގެ އިތުރުން ގުދުރަތީ ހާދިސާތަކުގެ ސަބަބުން ވެހިކަލަށް ލިބޭ ގެއްލުމުގެ ބަދަލުވެސް އެ އިންޝުއަރަންސްއިން ލިބޭނެއެވެ.

"

ސައިކަލު ވަގަށް ނެގުމުން ވެސް އިންޝުރަންސް އިން ބަދަލު ހޯދިދާނެ.

އެލައިޑް

ކޮމްޕްރެހެންސިވް މޮޓޯ އިންޝުއަރަންސް ޕޮލިސީއަށް އެޑް-އޮންއެއްގެ ގޮތުގައި "ތެފްޓް ކަވާ" ނެގޭއިރު މި ޕޮލިސީން ވަގަށް ނަގާފައިވާ ސައިކަލެއް ކަނޑައެޅިފައިވާ މުއްދަތެއްގެ ތެރޭގައި ހޯދައި ނުފެނިއްޖެ ނަމަ ވެރިފަރާތަށް އެ ސައިކަލުގެ އަގު ދޭނެއެވެ.

މިހުރިހާ ކަމެއް މިހެން ހުރި ނަމަވެސް އިންޝުއަރަންސް ކުރާ ފަރާތުގެ އަމިއްލަ ޒިންމާތަކެއް އަބަދުވެސް ހުންނަކަން އެލައިޑުން ފާހަގަ ކުރިއެވެ.

އަދި އުޅަނދަށް ނުވަތަ މީހަކަށް ލިބޭ ގެއްލުން ވީހާވެސް ކުޑަކުރުމަށް ކުރެވެން ހުރި ހުރިހާ ކަމެއް ކުރުމުގެ އިތުރުން، އުޅަނދު ހިމެނޭ ގޮތުން ހާދިސާއެއް ހިނގައިފިނަމަ ވީ އެންމެ އަވަހަށް ޕޮލިސް ރިޕޯޓެއް ހޯދަން ޖެހޭނެ ކަމަށް އެލައިޑުން ބުންޏެވެ.

އެގޮތުން އިންޝުއަރަންސް ޕްރޮވައިޑާގެ ހައިސިއްޔަތުން އެލައިޑް އިންޝުއަރަންސްގެ އިރުޝާދު ލިބުމުގެ ކުރިން ވެހިކަލްގެ އެއްވެސް މަރަމާތެއް ނުކުރަން ސަމާލުވުމަށް އެ ކުންފުނިން އެދެއެވެ.