ބައިބައިވުމާ ނަފްރަތު އުފެދޭ ކަންކަމުން ދުރުވެ ސުލްހަވެރިކަމާއެކު ތިބުމަށް ނަޝީދު ގޮވާލައްވައިފި
އެއްބައިވަންތަކަމުގެ ދުވަހު ދެއްވި މެސެޖެއްގައި ބައިބައިވުމާއި ނަފްރަތު އުފެދޭ ކަންކަމުން ދުރުވެ ސުލްހަވެރިކަމާއެކު ސިޔާސީ ހަރަކާތުގައި ދެމިތިބުމަށް ރައްޔިތުންގެ މަޖިލީހުގެ ރައީސް އަދި ކުރީގެ މުހައްމަދު ނަޝީދު ގޮވާލައްވައިފި އެވެ.
ރައީސް ނަޝީދު މިހެން ވިދާޅުވީ އެއްބައިވަންތަކަމުގެ ދުވަހާ ގުޅިގެން އެމަނިކުފާނު މިއަދު ކުރެއްވި ޓްވީޓެއްގަ އެވެ.
ނަޝީދު ވަނީ ރައްޔިތުންގެ މެދުގައި ބައިބައިވުމާއި ނަފްރަތު އުފެދޭ ކަންކަމުން ދުރުވާން އެމްޑީޕީއާއި އެމްޑީޕީގެ ވާދަވެރީންނަށް ގޮވާލައްވައިފި އެވެ. އަދި ނަޝީދު ވިދާޅުވީ އެއްބައިވަންތަކަމުގެ ދުވަހުގެ ގޮތުގައި މިދުވަސް ފާހަގަކުރަމުން އަންނަނީ 2004 ވަނަ އަހަރު ކުރިމަތިވި ސުނާމީގެ ބިރުވެރި ހާދިސާއަށް ފަހު ކަމަށެވެ.
2004 ge tsunami ge biruveri haadhisa ah fahu Raajjeyga midhuvas faahaga kuraanfeshee Dhivehinge Ehbaivanthakamuge Dhuvas gothuga. MDP aai MDP ge vaadhaverinves baibaivumai, nafrath ufedhey kankamaai dhuruve, sulhaveri siyaasee harakaathuga dhemithibumah miadhu alhugandu govaalan
— Mohamed Nasheed (@MohamedNasheed) December 26, 2021
"އެމްޑީޕީއާއި އެމްޑީޕީގެ ވާދަވެރީން ވެސް ބައިބައިވުމާއި، ނަފްރަތު އުފެދޭ ކަންކަމާއި ދުރުވެ، ސުލްހަވެރި ސިޔާސީ ހަރަކާތުގައި ދެމިތިބުމަށް މިއަދު އަޅުގަނޑު ގޮވައިލަން" ނަޝީދު ވިދާޅުވި އެވެ.
ދިވެހީންގެ އެއްބައިވަންތަކަމުގެ ދުވަހުގެ ގޮތުގައި ޑިސެންބަރު މަހުގެ 26 ވަނަ ދުވަސް ފާހަގަކުރަމުން އަންނަނީ 2004 ވަނަ އަހަރު ކުރިމަތިވި ސުނާމީ ކާރިސާގައި ދިވެހިންގެ ކިބައިން ފެނުނު ސާބިތުކަމާއި ހިތްވަރުގަދަކަމުގެ ލާމަސީލު މިސާލުގެ ސަބަބުންނެވެ. އެދުވަހު އެތައް ބަޔަކު ގެއްލުނުއިރު ގިނަ ބައެއްގެ ފުރާނަ ވެސް އެދުވަހު ގެއްލުނެވެ.
ޖަޕާނުން ކުޅުދުއްފުށީ ކުތުބުހާނާއަށް ފޮތް ހަދިޔާކޮށްފި
ކުޅުދުއްފުށީގައި ފުލުހުން ހިފަހައްޓާފައި ހުރި ބޮގަރާއި ބަނގުރާފުޅިތަކެއް ނައްތާލައިފި
ރަށު ކައުންސިލްތަކަށް ބަގީ ދިނުމަށް އަތޮޅު ކައުންސިލުން ނިންމައިފި
ކުޑަކުދިންގެ ދުވަސް ފާހަގަކުރަން ކުޅުދުއްފުށީ ސްކޫލްތަކުގައި ބޭއްވި ހަވީރު
