ސިޔާސީ ބޭނުމަށް ޝަހީދު ހުސެން އާދަމްގެ ފޮޓޯ ބޭނުން ނުކުރުން އެދެން: ޔާސިރު

ސިޔާސީ ބޭނުމަށް ޝަހީދު ހުސެއިން އާދަމްގެ ފޯޓޯ ބޭނުން ނުކުރެއްވުމަށް ރައީސް ޔާމިންގެ އަރިހުން ކުޅުދުއްފުށީ އުތުރު ދާއިރާގެ މަޖިލިސް މެމްބަރު ޔާސިރު އަބްދުލް ލަތީފް އެދިލައްވައިފި އެވެ.

މެމްބަރު ޔާސިރު މިފަދައިން އެދިލައްވާފައި ވަނީ އިދިކޮޅު ޕީޕީއެމް އާއި ޕީއެންސީގެ "އިންޑިއާ އައުޓް" ގެ ކެމްޕޭން ހަރަކާތެއްގައި ޝަހީދު ހުސައިން އާދަމްގެ ފޮޓޯއެއް ބޭނުން ކުރުމުން އެ ކަމާއި ހިތްހަމަ ނުޖެހުން ފާޅު ކުރައްވާ، ކުރެއްވި ޓުވީޓެއްގަ އެވެ.

ޝަހީދު ކޯޕްރަލް ހުސެއިން އާދަމަކީ ދިވެހިންގެ ބަތޮލެއް، އަދީ ހާއްސަކޮށް ކުޅުދުއްފުށީގެ ފަހުރެއް، ސިޔާސީ ބޭނުމަށް އެ ޤައުމީ ބަތޮލުގެ ފޯޓޯ ބޭނުން ނުކުރެއްވުމަށް ރައީސް ޔާމިންގެ އަރިހުން އެދެން. ކަމަކަށް ދަހިވެތި ވިޔަސް ކޮންމެވެސް ވަރެއްގެ އަދަބު އަޙްލާޤެއް ބެހެއްޓެވުން މުހިންމު pic.twitter.com/nDkBnfzg3s

— Yasir Abdul Latheef (@YasirLathyf) January 28, 2022

އެ ޓުވީޓްގައި ޔާސިރު ވިދާޅުވީ، ސިޔާސީ ބޭނުމަށް ޝަހީދު ހުސައިން އާދަމްގެ ފޮޓޯ ބޭނުން ނުކުރަން ކުރީގެ ރައީސް އަބްދުﷲ ޔާމީންގެ އަރިހުން އެދިވަޑައިގަންނަވާ ކަމަށެވެ.

އަދި ޝަހީދު ކޯޕްރަލް ހުސެއިން އާދަމަކީ ދިވެހިންގެ ބަތޮލެއް ކަމަށާއި ހާއްސަކޮށް ކުޅުދުއްފުށީގެ ފަހުރެއް ކަމަށެވެ. ކަމަކަށް ދަހިވެތި ވިޔަސް ކޮންމެވެސް ވަރެއްގެ އަދަބު އަހުލާޤެއް ބެހެއްޓެވުން މުހިންމު ކަމަށް ޔާސިރު ވަނީ ވިދާޅުވެފަ އެވެ.

ޝަހީދު ހުސައިން އާދަމް އަކީ ނޮވެމްބަރު 3، 1988 ގައި ލަންކާގެ ތަމަޅައިން މާލެ އަރައި ދިން އުދުވާނީ ހަމަލާގެ ތެރެއިން ދިން އުދުވާނީ ހަމަލާގައި ޝަހީދުވި ދިވެހިންގެ 19 މީހުންގެ ތެރެއިން ޝަހީދުވި ބަދަލެކެވެ.